THEIHTHAINA 14:8 - Mara Bible RV (BSI)

⁸ “Pathaisa awpa chyhsa cha a chysiazy pasu aw ta, a hmi zydua a ngyu aw ta, ti ta a ngai a si aw ta, a pathaih ha aw. Cha khai tawhta riehmo lâ a ngia thei aw ta, châhrasala a poh o khôtho liata noh sari a y chy awpa a châ.

THEIHTHAINA 14:8 ပူးပေါင်းရင်းမြစ်များ

2 THÂTIHZYRONA 26:21

Chatanachata Bei Uzia cha a thi noh taihta phawhpa châ ta, phawhpa a châpa vâta o nano ta y ta, Abeipa o pangiasa khao leipa a châ. A sawchapawpa Zôthâ ta abei o mohôh ta, râh chhao â vao.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:14

Mawsi cha tlâh tawhta zawpi lâ zu ta, zawpi cha pathaisa ta. Ama chysiazy pasu ei ta.

THEIHTHAINA 11:25

Ahy rai cha hawhpa sa thiruapa a phaohpa cha, a chysiazy pasu aw ta, zâlâ taih pathaih leipa a châ aw.

THEIHTHAINA 14:20

Theihthaipa ta raopa hlâna nata niepa hlâna cha maisâh liata a hlâ aw. Cha hawhna chata theihthaipa ta chatlaina taopa aw ta, a vaw pathaih ha aw.

THEIHTHAINA 14:9

A noh sarina noh ta a luh sâ zydua, a kâhhmi nata a hmaohmi zydua nata a mokhitlâh hmi zydua â ngyu aw. A hmi zydua â ngyu khai awpa a châ. A chysiazy pasupa ta, ti ta a ngai a si aw ta, chatanachata a pathaih ha aw.

THEIHTHAINA 15:13

“Hniah hneipa cha a hniah tawhta a pathaih ha khiahta cha, ano pathaisana châta noh sari hmâh aw ta, a chysiazy pasu aw ta, chavah ti liata a ngai a si aw ta, chatanachata a pathaih ha aw.

THEIHTHAINA 8:6

Mawsi ta Arawna nata a sawchapawzy cha a vaw chhi ta, ti ta ama ngai pasi ta.

MALUHREINA 6:9

“Chyhsa ta eikhapi ta a kiapâh liata thi sala, â pananona luh a papuapalei khiahta cha, ano pathaisana noh, a noh sarina noh ta a luh â ngyu awpa a châ.

MALUHREINA 8:7

Âmo pathaisa awpa ta, hetana heta ama chô liata na tao aw: Ama chô liata pathaisana ti thia aw chi ta, ama pôhpa hmi zydua a ngyu aw ei ta, ama chysiazy pasu aw ei ta, amâ pathai aw.

RYHPACHANEINA 21:12

nama o lâ a chhi aw ei chi ta, ama luh a ngyu aw ei ta, ama pato tai aw ei ta,

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.