THEIHTHAINA 14:3 - Mara Bible RV (BSI)

³ Theihthaipa cha riehmo khôtho lâ pua aw ta, phawhpa cha moh aw ta, phawhpa chô liata phawhpa hri cha a tlâh ha khiahta cha,

THEIHTHAINA 14:3 ပူးပေါင်းရင်းမြစ်များ

2 ABEIZY 5:14

Chatanachata Nâmâ cha zu ta, Khazohpa chyhsa reipa hawhta, Zawdâh chavah liata ei sari zâ ny ta. A sapa cha hawtipa sa hawh tlai ta vaw y pathi ha ta, a vaw pathaih haw.

2 ABEIZY 5:3

Noh kha cha a zibeinô hnohta, “Ei zibeipa he Samâri liata hrohsopa pangai sala ei tah kaw dia! A phawhpa he a vaw patlâh thlâh ha awpa tlai,” tah ta.

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

THEIHTHAINA 13:2

“Chyhsa ta a pôhpa vo thlohpa tlyma, hmahchaku tlyma, pakheihpa tlyma hnei sala, phawhpa hri a châ awpa hawhta a pôhpa vo liata â lâ khiahta cha, theihthaipa Arawna lâ tlyma, a sawchapawzy hry liata theihthaipa pakha lâ tlyma a chhi awpa a châ.

THEIHTHAINA 13:46

Hri a oh chhôh zydua pathaih leipa a châ. A pathaih leipa vâta, ânano ta y aw ta, a y nawpa su cha riehmo khôtho lâ a châ aw.

THEIHTHAINA 14:48

“Theihthaipa ta moh awpa ta a vy ta, hri cha o pamih pathipa a châ tawhta a kawh via laih leipa khiahta cha, theihthaipa ta o cha pathaihpa ta a phuah aw. Hri cha a pai hapa a châ.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

LUKA 4:27

Hrohsopa Elaisâh hro no chhao khata, Izarei liata phawhpa hluhpi y ei ta, châhrasala ahy hmah pathaisapa châ leipa ei ta, Suria chyhsa Nâmâ deita pathaisapa a châ,” tah ta.

LUKA 7:22

Âmo cha a chhy ta, “Vawh u la, nama hmôpa nata theipazy he Zawhâna kei chho u la, mochaopazy ama mo pavâ ta, pheisypazy phei ta sie ei ta, phawhpazy pathaih ei ta, nahpâpazy nah pavâpa ta, athihpazy pathyupa ta y ei ta, dyhchhiepazy hnohta Thâtihpha chhopa a châ, tahpa ta kei chho teh u.