THEIHTHAINA 14:22 - Mara Bible RV (BSI)

²² vachhuh pô no tlyma, pivawtaw pô no tlyma, a hnei viapa thithaw cheih hra aw ta, pô kha cha moleina hlâna châta châ aw ta, ahropa cha raopa hlâna châta a châ aw.

THEIHTHAINA 14:22 ပူးပေါင်းရင်းမြစ်များ

HLAZY 68:13

Mietaku sadôzy liata a ypa chanôzy cha, Tâkâ ta pahupa mathlaw a hneipa vachhuh lyu ei ta, A mathlaw pawhmaozy liata ngôh patliepa a ypa hawhta ama châ.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ZEREMIAH 48:28

“Hy Môabâ râhsawzy saih u, Khihpizy puasaipa ta, Lôkâhpa liata pahrâ u la, Khaohtlô pâhchhô liata a bu a tuhpa Vachhuh hawhta y teh u.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

THEIHTHAINA 14:21

“Dyhchhiepa châ sala, a hneina ta a tloh leipa khiahta cha, mietaku chapawpa pô kha cheih aw ta, ano châta chatlaina tao nawpa ta, thaileichâna hlâna châta chaluahpa a châ aw. Niepa hlâna châta viahdie dipa sathaw pahlaopa kachu su hrawh su kha nata sathaw chhiehraôh ôh kha cheih aw ta,

THEIHTHAINA 14:24

Theihthaipa ta thaileichâna hlâna mietakutaw nata sathaw chhiehra ôh kha la aw ta, chaluahpa hlâna châta Abeipa hmiakô liata a chaluah aw.

THEIHTHAINA 15:14

A noh chariena noh ta, vachhuh pô no tlyma, pivawtaw pô no tlyma cheipa ta Abeipa hmiakô lâ vawh aw ta, ahmaohna poh o chhikao liata theihthaipa a hlâ aw.

THEIHTHAINA 5:7

“Mietakutaw a pachâ thei leipa khiahta cha, a moleina chatlai nawpa ta vachhuh pô no tlyma, pivawtaw pô no tlyma Abeipa lâ a hlâ awpa a châ. Pô kha moleina hlâna châta châ aw ta, ahropa cha raopa hlâna châta a châ aw.

MALUHREINA 6:10

A noh chariena noh ta theihthaipa hnohta vachhuh pô no tlyma, pivaw pô no tlyma ahmaohna poh o chhikao liata vaw cheih aw ta,