THEIHTHAINA 14:21 - Mara Bible RV (BSI)

²¹ “Dyhchhiepa châ sala, a hneina ta a tloh leipa khiahta cha, mietaku chapawpa pô kha cheih aw ta, ano châta chatlaina tao nawpa ta, thaileichâna hlâna châta chaluahpa a châ aw. Niepa hlâna châta viahdie dipa sathaw pahlaopa kachu su hrawh su kha nata sathaw chhiehraôh ôh kha cheih aw ta,

THEIHTHAINA 14:21 ပူးပေါင်းရင်းမြစ်များ

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

BIESOZY 17:5

Sipasapa a mohnaopa cha, Ano Taotuhpa palôh pasasa ta; Mohropa chhiena liata a lypa chhao, Hriena khôkhâh aw vei.

BIESOZY 22:2

Hneirôhpazy nata sipasapazy a tyh ei ta, Ama zydua a taotuhpa cha Abeipa a châ.

EZEKIA 46:7

Niepa hlâna châta viahchao tôhpa pô kha liata kachu hmo kha, mietaku tôhpa pô kha liata kachu hmo kha a chhuanoh aw ta, mietakutawzy liata deikua cha, a hlâ theipa zie a hlâ aw. Niepa hlâna kachu miakha liata, sathaw chhiehraôh ôh palih a hlâ lymâ aw.

THEIHTHAINA 1:14

“Abeipa lâta raopa hlâna ta a hlâ awpa cha pavaw hry tawhta a châ khiahta cha, vachhuh tlyma, pivaw taw tlyma a hlâ awpa a châ.

THEIHTHAINA 12:8

Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 14:10

“A noh chariena noh ta mietakutaw chapawpa seina hnei leipa pô no, mietakutaw chanôpa kô khapa seina hnei leipa pô kha nata niepa hlâna châta viahdie dipa sathaw pahlaopa kachu su hrawh su thôh nata sathaw chhiehraôh ôh kha a hlâ aw.

THEIHTHAINA 14:22

vachhuh pô no tlyma, pivawtaw pô no tlyma, a hnei viapa thithaw cheih hra aw ta, pô kha cha moleina hlâna châta châ aw ta, ahropa cha raopa hlâna châta a châ aw.

THEIHTHAINA 27:8

Dyhchhiepa châ sala a mâ na tupa zie a pie thei lei awpa a châ khiahta cha, theihthaipa lâ a chhi awpa châ ta, theihthaipa ta a mâ tu aw ta, bie a taihtuhpa tao theinazie hawhta theihthaipa ta a mâ a tu aw.

THEIHTHAINA 5:11

“Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 5:7

“Mietakutaw a pachâ thei leipa khiahta cha, a moleina chatlai nawpa ta vachhuh pô no tlyma, pivawtaw pô no tlyma Abeipa lâ a hlâ awpa a châ. Pô kha moleina hlâna châta châ aw ta, ahropa cha raopa hlâna châta a châ aw.

LUKA 6:20

Zisu ta a pachupazy cha moh ta, ama hnohta, “Nâmo, sipasapazy saih u, nama nohlao na, Khazohpa khinarâh cha nâmo eih a châpa vâta.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.