THEIHTHAINA 14:12 - Mara Bible RV (BSI)

¹² Theihthaipa ta mietakutaw chapawpa pô kha cha sathaw byh chhaota la aw ta, thaileichâna hlâna châta hlâ aw ta, chaluahpa hlâna châta Abeipa hmiakô liata a chaluah aw.

THEIHTHAINA 14:12 ပူးပေါင်းရင်းမြစ်များ

PUASAINA 29:22

“Cha cha chahnaona mietaku tôhpa châ ta, a thawzy, a lahmei thawhpazy, a rihhri thawzy, a pathi a pahlypa thawzy, a lôpo miano nata a pahlypa thawzy nata a byh chachâh lâ la aw chi ta,

PUASAINA 29:24

cha zydua cha Arawna ku nata a sawchapawzy ku liata soh aw chi ta, chaluahpa hlâna châta Abeipa hmiakô liata na chaluah aw.

PUASAINA 29:26

“Arawna chahnaona mietaku tôhpa cha a palôh la aw chi ta, chaluahpa hlâna châta Abeipa hmiakô liata na chaluah aw. Cha cha na tovyuh a châ aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

THEIHTHAINA 14:10

“A noh chariena noh ta mietakutaw chapawpa seina hnei leipa pô no, mietakutaw chanôpa kô khapa seina hnei leipa pô kha nata niepa hlâna châta viahdie dipa sathaw pahlaopa kachu su hrawh su thôh nata sathaw chhiehraôh ôh kha a hlâ aw.

THEIHTHAINA 14:11

A pathaisatuhpa theihthaipa ta a pathaisa awpa chyhsa nata cha hmozy cha ahmaohna poh o chhikao liata Abeipa hmiakô ta a soh aw.

THEIHTHAINA 14:19

“Theihthaipa ta moleina hlâna hlâ aw ta, a pathaih leina tawhta pathaisa awpa châta chatlaina taopa aw ta, cha khai tawhta raopa hlâna a thie aw.

THEIHTHAINA 5:15

“Chyhsa ta hmo paraopa ta Abeipa hmo pathaihpazy chô liata a molei pathlei khiahta cha, a moleina ty thô nawpa ta, mietaku zaw hry tawhta mietaku tôhpa seina hnei leipa Abeipa lâ a hlâ awpa a châ. Supathaihpa tâkâ reizie ta reipa ta, mietaku tôhpa mâ dopa cha a tâkâ ta cheih pâ aw ta, thaileichâna hlâna châta a hlâ aw.