THEIHTHAINA 13:58 - Mara Bible RV (BSI)

⁵⁸ Chysia tlyma, thaitôh tlyma, thaipheih tlyma, savo ta taopa hmobaoh tlyma, na pasi khai tawhta hri ta a paisai khiahta cha, a einona ta pasi heih awpa châ ta, chatanachata a vaw pathaih aw.”

THEIHTHAINA 13:58 ပူးပေါင်းရင်းမြစ်များ

2 ABEIZY 5:10

Elaisâh ta ano lâ lyuhchâpa tuah ta, a hnohta, “Vawh la, Zawdâh chavah liata ei sari a kei ny la, na sapa ualuapa ta y heih aw ta, na vaw pathaih ha aw,” tah ta.

2 ABEIZY 5:14

Chatanachata Nâmâ cha zu ta, Khazohpa chyhsa reipa hawhta, Zawdâh chavah liata ei sari zâ ny ta. A sapa cha hawtipa sa hawh tlai ta vaw y pathi ha ta, a vaw pathaih haw.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

THEIHTHAINA 13:48

sahmi chysia nata pala rih dipa chysiazy sana thaitôh nata thaipheih liata zy, savo nata savo ta taopa hmobaoh liata zy,

THEIHTHAINA 13:57

Hri cha chysia liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma â vaw luah heih khiahta cha, a paka hapa châ ta, hri ta a kiapa hmo cha mei ta na rao awpa a châ.

THEIHTHAINA 13:59

“Cha cha sahmi chysia liata tlyma, pala rih dipa chysia liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma, phawhpa hri a y tita, a pathaih nata pathaih lei phuah nawpa ryhpa a châ,” tah ta.

2 KAWRINI 12:8

Cha kyh liata, ahloh ta eina puasai thei nawpa ta ei thôh tlai Abeipa hiah na ta.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,