THEIHTHAINA 13:45 - Mara Bible RV (BSI)

⁴⁵ “Phawhpa hri a ohpa cha chysia a hriepa a ky aw ta, a sâ pathliah aw ta, a hmao chô lâ khu aw ta, ‘Pathaih leipa, pathaih leipa,’ tahpa ta a awh awpa a châ.

THEIHTHAINA 13:45 ပူးပေါင်းရင်းမြစ်များ

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

2 SAMUELA 13:19

Tâmâri cha a luh buchâh a mia ta, a viahkao pasipa chapaipa â kypa cha hrie ta, a kuzy a luh liata khaih ta, aoh tlili ta cha laihpa ta a di ha ta.

2 ABEIZY 7:3

Thokhy angiana chhikao kiapâh liata phawhpa chapaw papalih y ei ta. Âmo nata âmo a chho ei ta, “Khazia ma thi awpa hâpa ta he liata eimâ tyuh thlâh ha tly?

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 51:3

Ei paraonazy pahno thlâh ha na ta, Ei moleina ei hmiakô liata khâ a y.

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

CHAPHÔHTUNA 4:15

Chyhsazy ta, “Sie syulyu ha teh u! Pathaih leipa nama châ! Sie syulyu ha teh u! Sie syulyu ha teh u! Miah hria khah u!” tah ei ta; Phopizy ta, “Eima hry liata pahrâ khao aw veih ei” Ama tah hapa vâta, Arâpaipa nata viavipazy lâta amâ lie haw.

EZEKIA 24:17

Arulâta a hrô la, athipa châta mâchhie sa khah y. Na khutho a khu la, na pheikyzy a ky la, pohluh a khu leipa la, rihâ pati chhao nie khah y,” tah ta.

EZEKIA 24:22

Ei taopa hawhna tlai heta tao aw ei chi ta, pohluh a khu leipa aw ei chi ta, rihâ sa chhao nie aw veih ei chi.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

THEIHTHAINA 13:44

chyhsa phawhpa châ ta, pathaih leipa a châ. A luh liata a hri a ypa châ ta, theihthaipa ta ano cha pathaih leipa ta a phuah thlyu awpa a châ.

THEIHTHAINA 21:10

“Theihthai beichaipa châ awpa ta a unawhzy hry tawhta panano hapa nata, a luh liata sathaw pathaihpa bao hapa nata theihthaipa chysia a tobi awpa ta panano hapa cha, a sâ a pathliah awpa châ leipa ta, a chysiazy a hrie awpa châ vei.

MIKÂ 3:7

Hrohsopazy nohzaopa ta y aw ei ta, Peihthaipazy nozapa ta ama y aw.

MALUHREINA 5:2

“Izarei sawzy chho la, ama hnohta hetana heta reih teh: Phawhpa tlyma, thihniah lohpa tlyma, athihpa vâta tlyma, pathaih leipa zydua riehmo tawhta papua khai awpa a châ.

LUKA 17:12

Khih miakha â ngia chy ta, phawhpa pahrawh ta vaw pangai ei ta. Cha chyhsazy cha lâhlapi ta a duah ei ta,

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.