THEIHTHAINA 13:2 - Mara Bible RV (BSI)

² “Chyhsa ta a pôhpa vo thlohpa tlyma, hmahchaku tlyma, pakheihpa tlyma hnei sala, phawhpa hri a châ awpa hawhta a pôhpa vo liata â lâ khiahta cha, theihthaipa Arawna lâ tlyma, a sawchapawzy hry liata theihthaipa pakha lâ tlyma a chhi awpa a châ.

THEIHTHAINA 13:2 ပူးပေါင်းရင်းမြစ်များ

2 SAMUELA 3:29

Thisaih maoh cha Zôabâ luh chô liata tla sala, a paw o liata tla mawh sy. Zôabâ pathlazy hry liata thi lohpa, phawhpa, chôchahrei a chhypa, zaozi ta a thipa nata niedo a phahlapa zy y lymâ mawh ei sy,” tah ta.

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

ISAI 1:6

Pheipazah tawhta luh taih tlai ta, Pasa khai ha ta; Hmah nata thidôna nata hniahzy ta bie ta, Hniahzy cha pazâpa châ leipa ta, Chahrypa nata sathaw hniapa châ hra vei.

ISAI 3:17

Zaio sawchanôzy cha, Abeipa ta ama luh hmah paysa aw ta, Zehôvâh ta luh pôlôpa ta a tao aw ei.”

THEIHTHAINA 13:1

Abeipa ta Mawsi nata Arawna chho ta, ama hnohta,

THEIHTHAINA 13:3

Theihthaipa ta a pôhpa vo liata hri cha moh aw ta, hri yna liata hmi cha pawh sala, hri yna cha a pôhpa vo hlâta a thu viapa ta â lâ khiahta cha, phawhpa hri châ ta, theihthaipa ta ano cha moh aw ta, chyhsa pathaih leipa a châ tahpa a phuah aw.

THEIHTHAINA 13:8

Theihthaipa ta moh aw ta, riatha cha a vo liata a kawh lymâpa a hmô khiahta cha, theihthaipa ta ano cha pathaih leipa a châ tahpa a phuah aw. Cha cha phawhpa hri a châ.

THEIHTHAINA 14:3

Theihthaipa cha riehmo khôtho lâ pua aw ta, phawhpa cha moh aw ta, phawhpa chô liata phawhpa hri cha a tlâh ha khiahta cha,

THEIHTHAINA 14:35

o hneituhpa ta theihthaipa lâ vawh aw ta, ‘Ei o liata hri a lyupa a ypa hawhta ei pahno,’ tahpa ta a chho aw.

THEIHTHAINA 14:56

a byuhpa, riatha nata pabôpa zy kyh liata,

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 12:10

Poh o chô tawhta meihdo â pasie nahta, pachâ tua u, Miria cha vaw phawh ta, dâhaw hawhta a vaw râh haw. Arawna ta Miria cha moh ta, phawhpa vaw châ thlâh ha ta.

MALUHREINA 12:12

Miria he thiruapa ta a pihpa hawsaih, a nô chhi tawhta a vaw pua nota a sapa khophie a y khao leipa hawhta rie châ khah sy,” tah ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MÂKA 1:44

a hnohta, “Ahy hnohta hmahta khâpa hmah reih leipa la, sie la, theihthaipa a kei pamosa la, zawpi pahno awpa ta, Mawsi biepiepa hawhta nâ pathaisana châta atheihna kei hlâ mah y,” tah ta.

LUKA 17:14

Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta.

LUKA 5:14

Zisu ta a hnohta ta biepie ta, “Ahy hmah chho leipa la, theihthaipa a kei pamosa aw chi ta, na pathaih ha tlai tahpa pahno nawpa ta, Mawsi biepiepa hawhta hmohlâpa kei hlâ mah y,” tah ta.

RYHPACHANEINA 24:8

“Phawhpa hri kyh liata, pakhâta ta tao aw ei chi ta, theihthaipa Livai chizy ta ama cha chhopa hawhta nama tao aw. Ama hnohta bie ei piepa hawhta, a sohsi ngaitapa ta nama tao aw.

RYHPACHANEINA 28:27

Abeipa ta Izi kheihluhzy, byuhpa hrizy, riatha nata pathapa hrizy ta cha hrie aw ei ta, tlâh thei aw veih ei chi.