THEIHTHAINA 12:8 - Mara Bible RV (BSI)

⁸ Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 12:8 ပူးပေါင်းရင်းမြစ်များ

THEIHTHAINA 1:14

“Abeipa lâta raopa hlâna ta a hlâ awpa cha pavaw hry tawhta a châ khiahta cha, vachhuh tlyma, pivaw taw tlyma a hlâ awpa a châ.

THEIHTHAINA 12:7

Theihthaipa ta Abeipa hmiakô liata hlâ aw ta, chatlaina taopa aw ta, chatanachata a thi lona tawhta a pathaih aw. Cha cha saw a sapa chanô, chapaw a sapa tlyma, chanô a sapa tlyma châta ryhpa a châ.

THEIHTHAINA 13:1

Abeipa ta Mawsi nata Arawna chho ta, ama hnohta,

THEIHTHAINA 14:21

“Dyhchhiepa châ sala, a hneina ta a tloh leipa khiahta cha, mietaku chapawpa pô kha cheih aw ta, ano châta chatlaina tao nawpa ta, thaileichâna hlâna châta chaluahpa a châ aw. Niepa hlâna châta viahdie dipa sathaw pahlaopa kachu su hrawh su kha nata sathaw chhiehraôh ôh kha cheih aw ta,

THEIHTHAINA 14:22

vachhuh pô no tlyma, pivawtaw pô no tlyma, a hnei viapa thithaw cheih hra aw ta, pô kha cha moleina hlâna châta châ aw ta, ahropa cha raopa hlâna châta a châ aw.

THEIHTHAINA 15:14

A noh chariena noh ta, vachhuh pô no tlyma, pivawtaw pô no tlyma cheipa ta Abeipa hmiakô lâ vawh aw ta, ahmaohna poh o chhikao liata theihthaipa a hlâ aw.

THEIHTHAINA 15:15

Theihthaipa ta moleina hlâna châta pô kha, raopa hlâna châta pô kha hlâ aw ta, a hniah lopa châta Abeipa hmiakô liata chatlaina a taopa aw.

THEIHTHAINA 15:29

A noh chariena noh ta, vachhuh pô no tlyma, pivawtaw pô no tlyma cheih aw ta, theihthaipa hnohta ahmaohna poh o chhikao liata a hlâ aw.

THEIHTHAINA 4:26

A thaw zydua cha, aryhna hlâna châta atheihna thaw hawhta maisâh liata rao aw ta, theihthaipa ta a moleina châta chatlaina taopa aw ta, chatanachata a ngiahthaipa a châ aw.

THEIHTHAINA 5:11

“Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 5:7

“Mietakutaw a pachâ thei leipa khiahta cha, a moleina chatlai nawpa ta vachhuh pô no tlyma, pivawtaw pô no tlyma Abeipa lâ a hlâ awpa a châ. Pô kha moleina hlâna châta châ aw ta, ahropa cha raopa hlâna châta a châ aw.

MATHAI 21:12

Zisu cha Achhyna o liata a ngia ta, cha liata hmo a zuahpa nata a chaleipa zydua papua ta, tâkâ rituhpazy tlâhkhai nata pivaw zuahtuhpazy dyuchhai chati pathlah ta.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.