THEIHTHAINA 12:6 - Mara Bible RV (BSI)

⁶ “Sawchapaw vâta tlyma, sawchanô vâta tlyma, â pathaina noh â ki nahta, raopa hlâna châta mietakutaw kô khapa nata moleina hlâna châta pivaw taw tlyma vachhuh tlyma, ahmaohna poh o chhikao liata theihthaipa lâta a cheih awpa a châ.

THEIHTHAINA 12:6 ပူးပေါင်းရင်းမြစ်များ

ÂTHAONA 15:9

Abeipa ta a hnohta, “Viahchao zeinô kô thôhpa pô kha, mie chanôpa kô thôhpa pô kha, mietaku chapawpa kô thôhpa pô kha nata vachhuh pô kha nata pivaw taw pô kha na vaw pie teh,” tah ta.

THEIHTHAINA 12:2

“Izarei sawzy chho la, ama hnohta hetana heta reih teh: Chanô ta saw phaoh sala, sawchapaw a sa khiahta cha, noh sari chhôh nawhkhutlô aw ta, chanô hnopasu daihti liata pathaih leipa hawhta pathaih leipa a châ aw.

THEIHTHAINA 12:5

Sawchanô a sa khiahta cha, hnopasu daihti liata pathaih leipa hawhta, hâta ei no chhôh nawhkhutlô aw ta, noh sycharu nata noh charu chhôh a sawsana thi lohpa tawhta pathaina tao awpa a châ.

THEIHTHAINA 12:7

Theihthaipa ta Abeipa hmiakô liata hlâ aw ta, chatlaina taopa aw ta, chatanachata a thi lona tawhta a pathaih aw. Cha cha saw a sapa chanô, chapaw a sapa tlyma, chanô a sapa tlyma châta ryhpa a châ.

THEIHTHAINA 14:22

vachhuh pô no tlyma, pivawtaw pô no tlyma, a hnei viapa thithaw cheih hra aw ta, pô kha cha moleina hlâna châta châ aw ta, ahropa cha raopa hlâna châta a châ aw.

THEIHTHAINA 15:14

A noh chariena noh ta, vachhuh pô no tlyma, pivawtaw pô no tlyma cheipa ta Abeipa hmiakô lâ vawh aw ta, ahmaohna poh o chhikao liata theihthaipa a hlâ aw.

THEIHTHAINA 15:29

A noh chariena noh ta, vachhuh pô no tlyma, pivawtaw pô no tlyma cheih aw ta, theihthaipa hnohta ahmaohna poh o chhikao liata a hlâ aw.

MALUHREINA 6:10

A noh chariena noh ta theihthaipa hnohta vachhuh pô no tlyma, pivaw pô no tlyma ahmaohna poh o chhikao liata vaw cheih aw ta,

LUKA 2:22

Mawsi ryhpa hawhta amâ pathaisana noh a vaw tlô nahta, hawsaih Zisu cha Abeipa lâ hlâ awpa ta Zerusale lâ siekhei ei ta.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.