THEIHTHAINA 12:3 - Mara Bible RV (BSI)

³ A noh chariena noh ta, hawtipa cha a chopaw vo tai awpa a châ.

THEIHTHAINA 12:3 ပူးပေါင်းရင်းမြစ်များ

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

THEIHTHAINA 12:4

Noh sythôh nata noh thôh chhôh a sawsana thi lohpa tawhta pathaina tao awpa châ ta, pathaina noh â ki hlâlei cha, hmo pathaihpa a hria awpa châ leipa ta, supathaihpa liata â ngia awpa châ vei.

THEIHTHAINA 15:3

He he chapaw châna tawhta hniah a puapa vâta pathaih leina ryhpa a châ: Hniah cha a pua pazao ngâ thlâh ha tlyma, â chalih ha tlyma, pathaih leipa a châ khai.

LUKA 1:59

A noh chariena noh ta hawsaih chopawtai awpa ta a vy ei ta, a paw moh zipa ta a moh Zekaria bi a chhuah ei ta.

LUKA 2:21

Noh charie vaw tloh ta, hawsaih cha chopawtaipa a châ khai nahta, a moh Zisu bi ei ta. Cha moh cha chhi liata nawh â choh hlâta, vâlyuhchâpa ta moh a vaw bi chhielie hapa kha a châ.

HMOTAOPAZY 15:1

Chyhsa thokha Zudia râh tawhta a zu ei ta, “Mawsi ryhpa hawhta chopaw namâ tai leipa khiahta la, pachhapa châ thei aw veih ei chi,” tahpa ta unawhzy pachu ei ta.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

KALATIA 3:17

Rei ei chhuahpa cha he he a châ: Biehrai taopa a châ tawhta kô 430 khô lâta a vaw ypa ryhpa heta, Khazohpa ta a vaw pa-i hapa biehrai kha parao leipa ta, bietai chhao aruapa pachâsa vei.

KALATIA 5:3

Ahy rai chopawtaipa a pyhpa maih cha, ryhpa bie zydua a zyh paki awpa a châ tahpa ei duakhei heih.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.