THEIHTHAINA 12:2 - Mara Bible RV (BSI)

² “Izarei sawzy chho la, ama hnohta hetana heta reih teh: Chanô ta saw phaoh sala, sawchapaw a sa khiahta cha, noh sari chhôh nawhkhutlô aw ta, chanô hnopasu daihti liata pathaih leipa hawhta pathaih leipa a châ aw.

THEIHTHAINA 12:2 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 3:16

Chanô hnohta, “Sawphaona liata na rietheina thata papôh aw na ta, Riethei pasa ngaitapa ta saw na sa aw. Na khona cha na vahpa châta châ aw ta, Ano ta na chô liata bie a hnei aw,” tah ta.

2 SAMUELA 11:4

Dâvi ta chyhsa tuah ta, a vaw chhi ei ta, a vaw tlô nahta a ziakhei ta. Chanô cha a thaitlyh leina tawhta a pathai hapa châ ta. Dâvi ta â ziakhei khai tawhta Bâsebâ cha a o la a di ha ta.

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

ZAWBÂ 15:14

Chyhsapa cha khâpa châ ta ma, A pathaih thei aw tly? Chanô sapa cha khâpa châ ta ma, A siapaki thei aw tly?

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

THEIHTHAINA 12:1

Abeipa ta Mawsi hnohta,

THEIHTHAINA 12:5

Sawchanô a sa khiahta cha, hnopasu daihti liata pathaih leipa hawhta, hâta ei no chhôh nawhkhutlô aw ta, noh sycharu nata noh charu chhôh a sawsana thi lohpa tawhta pathaina tao awpa a châ.

THEIHTHAINA 15:19

“Chanô ta a chanô châna tawhta a puapa hnei sala, a puapa cha thi a châ khiahta cha, chanô hnopasupa vâta noh sari chhôh pathaih leipa châ aw ta, ahy rai ano a hriapa cha zâlâ taih pathaih leipa a châ aw.

THEIHTHAINA 18:19

“Chanô a hnopasu pathaih lei daihti liata a hniapa ta a hno na ty awpa châ vei.

THEIHTHAINA 5:3

“Chyhsa ta chyhsa pathaih leina a hria khiahta cha, pathaih leina a tlôkheipa hmo kheihawhpa rai châ sala, pahno leipa ta a hriapa a châpa chhaota, a pahno tita thailei a châ pyly aw.

LUKA 2:22

Mawsi ryhpa hawhta amâ pathaisana noh a vaw tlô nahta, hawsaih Zisu cha Abeipa lâ hlâ awpa ta Zerusale lâ siekhei ei ta.