THEIHTHAINA 11:7 - Mara Bible RV (BSI)

⁷ Vao he a chakie cha pachiah ta, a chakie miano ta a pachhaih ta, châhrasala a thie a chaeih leipa vâta, nama châta pathaih leipa a châ.

THEIHTHAINA 11:7 ပူးပေါင်းရင်းမြစ်များ

ISAI 65:4

Thlâzy liata a tyuh ei ta, Su dâhthlohpazy liata amâ rie tyh; Vao sa zy nie ei ta, Ama beihzy liata sa pathaih leipazy yna chôta,

ISAI 66:17

“Sadôzy liata a ngia awpa ta âmosasyh ta a hlâpa ta a pathaisa ei ta, vao sa nata pazu sa nata hmo pathaih leipa a niepazy hry liatapa a pazituhpazy cha, ama pazipa chyhsa nata â raohpa ta ama chhâ khoh aw,” Abeipa ta a tah.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

THEIHTHAINA 11:3

Sazy hry liata a chakie pachiah ta, a chakie miano ta â pachhaihpa ta, thie a chaeihpa maih nama nie thei aw.

THEIHTHAINA 11:6

Pazupi chhao a thie chaeih ta, châhrasala a chakie â pachhaih leipa vâta, nama châta pathaih leipa a châ.

THEIHTHAINA 11:8

A sa nama nie awpa châ leipa ta, a thiruapa chhao nama hria awpa châ vei. Nama châta pathaih leipa a châ.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

LUKA 15:15

Chatanachata sie ta, cha râh chyhsa pakha hnohta hria hlao ta. Cha chyhsa chata vaolao pie awpa ta a lyu lâ tuah ta.

LUKA 8:33

Ahripazy cha chyhsa chhôh tawhta pua ei ta, vao chhôh liata a ngia ei ta, vao zaw cha pâdawhpa lâ tawhta tipo lâ a râ ei ta, tipo liata tlasao khai ha ei ta.

RYHPACHANEINA 14:8

Vao he a chakie cha a pachhaih ta, châhrasala a thie a chaeih leipa vâta nama châta sa pathaih leipa a châ. A sa nama nie awpa châ leipa ta, thiruapa chhao nama hria awpa châ vei.