THEIHTHAINA 11:47 - Mara Bible RV (BSI)

⁴⁷ Pathaihpa nata pathaih leipa panano awpa châ ta, hmohrohneipa nie theipa nata hmohrohneipa nie lei awpa chi chhao panano awpa a châ,” tah ta.

THEIHTHAINA 11:47 ပူးပေါင်းရင်းမြစ်များ

ÂTHAONA 7:2

Alei chô liata ama chi â zao thei nawpa ta, sa pathaihpa chi to hry tawhta a chapawpa nata a chanôpa bao sari chyu a ngiakhei la, sa pathaih leipa hry tawhta a chapawpa nata a chanôpa bao kha chyu a ngiakhei hra la,

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

DÂNIAH 1:8

Châhrasala Dâniah cha abei pati nata a kresawhti dopa zy ta a papuapalei lei awpa ta a palôh ta khâchâ a chhuah ha ta. Â papuapalei lei nawpa ta bei chakaotuhpazy hyutuhpa cha hiah ta.

THEIHTHAINA 10:10

Hmo ziehchhôhpa nata hmo vâtlâhpa panano aw ei chi ta, hmo pathaih leipa nata pathaihpa nama panano awpa a châ.

THEIHTHAINA 11:46

“Chazy cha sa nata pavaw nata ti liata a pahrâpa hmohrohneipa to nata alei liata alyhpasa chi tozy kyh liata ryhpa a châ.

THEIHTHAINA 12:1

Abeipa ta Mawsi hnohta,

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.