THEIHTHAINA 11:45 - Mara Bible RV (BSI)

⁴⁵ Kei he nama Khazohpa châ awpa ta Izi râh tawhta châ kaw chhi papuatuhpa Abeipa ei châ. Kei pathaih tlôh na ta, chavâta nâmo chhao nama pathaih awpa a châ.

THEIHTHAINA 11:45 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:6

Chatanachata ei châta theihthaipa khinarâh châ aw ei chi ta, phopi pathaihpa nama châ aw.’ Chazy cha Izarei sawzy hnohta na rei awpa biezy cha a châ,” tah ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 11:46

“Chazy cha sa nata pavaw nata ti liata a pahrâpa hmohrohneipa to nata alei liata alyhpasa chi tozy kyh liata ryhpa a châ.

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.

THEIHTHAINA 19:36

Khopathliahna dopa, khopathliahna lô dopa, kachu dopa, chhiehraôh dopa nama hmâ awpa a châ. Kei he Abeipa nama Khazohpa, Izi râh tawhta châ chhi papuatuhpa ei kha ei châ.

THEIHTHAINA 20:7

Chavâta a pathai u la, pathaihpa ta y teh u. Kei he Abeipa nama Khazohpa châ tlôh na ta.

THEIHTHAINA 22:33

nama Khazohpa châ awpa ta Izi râh tawhta châ chhi papuatuhpa ei châ. Kei he Abeipa ei châ,” tah ta.

THEIHTHAINA 25:38

Kei he Abeipa nama Khazohpa, Kâna râh cha pie awpa nata nama Khazohpa châ awpa ta, Izi râh tawhta châ chhi papuatuhpa ei châ.

THEIHTHAINA 26:45

Ama Khazohpa châ awpa ta, phopizy mohmô ta Izi râh tawhta ei chhi papuapa ama pathlatuhpazy hnohta ei biehrai kha, âmo vâna heta ei thei thlâh ha aw. Kei he Abeipa ei châ,” tah ta.

MALUHREINA 15:40

Ei biepiepa zydua a theipa ta zyh aw ei chi ta, nama Khazohpa châta pathaihpa nama châ aw.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

1 PITY 1:16

“Kei ei pathaihpa hawhta, nâmo chhao nama pathaih awpa a châ,” tahpa ropa a châ.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.

1 SAMUELA 6:20

Beseme khihsawzy ta, “He Khazohpa pathaihpa Abeipa hmiakô liana he ahy ma a duah thei aw? Keimo tawhna heta ahy lâ ma khy sala a pha aw tly?” tah ei ta.