THEIHTHAINA 11:44 - Mara Bible RV (BSI)

⁴⁴ Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 11:44 ပူးပေါင်းရင်းမြစ်များ

HLAZY 99:5

Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

PUASAINA 16:12

“Izarei sawzy paphôhna ei thei haw. Chavâta ama hnohta, ‘Zâlâ sa nie aw ei chi ta, mylâ viahchhâ rih biena taih nama nie aw. Chatanachata kei he Abeipa nama Khazohpa ei châ tahpa nama pahno aw,’ tahpa ta chho mah y,” tah ta.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:6

Chatanachata ei châta theihthaipa khinarâh châ aw ei chi ta, phopi pathaihpa nama châ aw.’ Chazy cha Izarei sawzy hnohta na rei awpa biezy cha a châ,” tah ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

PUASAINA 22:31

“Ei chyhsa pathaihpa nama châ awpa a châ. Chavâta lyurâhpa liata arie ta a taipa sa nama nie awpa châ vei. Cha hawhpa cha i nama thy awpa a châ.

PUASAINA 23:25

Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 51:15

Kei he Abeipa na Khazohpa châ na ta, Tilaipi chatlaosapa ta, A tichatlaopazy a paaohsatuhpa ei châ. Ei moh cha Pheisaihzy Abeipa a châ.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 11:43

Alyhpasa vâta nâmosasyh pasichhihpa ta namâ tao awpa châ leipa ta, âmo vâta nâmosasyh a papuapaleipa ta, pathaih leipa ta nama y awpa châ vei.

THEIHTHAINA 18:2

“Izarei sawzy chho la, ama hnohta hetana heta reih teh: Kei he Abeipa nama Khazohpa ei châ.

THEIHTHAINA 19:10

Nama kre sadô kâmo nama thoh awpa châ leipa ta, nama kre sadô liata kre zôpa namâ huah awpa châ vei. Dyhchhiepa nata chihropazy châta nama pahlôh awpa a châ. Kei he Abeipa nama Khazohpa ei châ.

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

THEIHTHAINA 20:26

Ei châta nama pathaih awpa a châ. Kei, Abeipa he pathaih tlôh na ta, kei eih châ awpa ta, phopizy hry tawhta ei cha panano ei.

THEIHTHAINA 20:7

Chavâta a pathai u la, pathaihpa ta y teh u. Kei he Abeipa nama Khazohpa châ tlôh na ta.

THEIHTHAINA 21:8

Na Khazohpa viahchhâ a hlâpa a châpa vâta, na châta chyhsa pathaihpa ta na rao awpa a châ. Kei, Abeipa nâmo cha pathaisatuhpa he pathaih tlôh na ta, chavâta theihthaipa cha chyhsa pathaihpa ta na pachâ awpa a châ.

AMÔSÂ 3:3

“Ama sie nawpa su a lyu leipa sala, Chyhsa pano ama sie khoh thei aw ma?

MALUHREINA 15:40

Ei biepiepa zydua a theipa ta zyh aw ei chi ta, nama Khazohpa châta pathaihpa nama châ aw.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 22:11

Moleipa cha moleina hmo tao lymâ sala, chyhsa puapa cha a puapa ta y lymâ sala, mosiapa cha a siapa ta y lymâ sala, mopathaihpa cha pathaihpa ta y lymâ mawh sy,” tahpa ta na chho ta.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.

1 SAMUELA 6:20

Beseme khihsawzy ta, “He Khazohpa pathaihpa Abeipa hmiakô liana he ahy ma a duah thei aw? Keimo tawhna heta ahy lâ ma khy sala a pha aw tly?” tah ei ta.