THEIHTHAINA 11:42 - Mara Bible RV (BSI)

⁴² A py ta a lyhpa chi tlyma, phei palih ta a siepa chi tlyma, phei hluhpi a hneipa chi tlyma, alei chô liata a lyhpa chi zydua cha pasichhihpa châ ei ta, nama nie awpa châ vei.

THEIHTHAINA 11:42 ပူးပေါင်းရင်းမြစ်များ

ÂTHAONA 1:20

Khazohpa ta, “Tizy liata hmohrohneipa to pahrâ ei sala, alei chô lâ avâ ruapa liata pavawzy a zaw mawh ei sy” tah ta.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

THEIHTHAINA 11:41

“Alei chô liata alyhpasa chi zydua pasichhihpa châ ei ta, nie awpa châ vei.

THEIHTHAINA 11:43

Alyhpasa vâta nâmosasyh pasichhihpa ta namâ tao awpa châ leipa ta, âmo vâta nâmosasyh a papuapaleipa ta, pathaih leipa ta nama y awpa châ vei.

MIKÂ 7:17

Parih hawhta dohlei palie aw ei ta, Alei liata âlyhpasazy hawhta dohlei ama palie aw. A chalyuna chôta ama thokhyzy tawhta amâ vy aw; Thlazohpa ta Abeipa eima Khazohpa lâ a heih aw ei ta, Nâ cha ama cha chi ngaita aw.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

2 KAWRINI 11:13

Cha hawhpa chyhsazy cha, chyhsa dôvei hmâhpa hriatuhpa, âmosasyh ta Krista lyuhchâpa ta â taopa, lyuhchâpa pakheipazy ama châ.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

TITU 1:12

Krite chyhsa, ama hrohsopa cheingei ta, “Krite chyhsazy cha haihthaipazy, sahrâh moleipazy, thathi rikawhpa zy ama châ zôzaw,” tahpa ta reih ta.