THEIHTHAINA 11:40 - Mara Bible RV (BSI)

⁴⁰ Cha thiruapa sa a niepa cha, a chysiazy pasu aw ta, zâlâ taih pathaih leipa a châ aw. Sa thiruapa a phaohpa chhao, a chysiazy pasu aw ta, zâlâ taih pathaih leipa a châ aw.

THEIHTHAINA 11:40 ပူးပေါင်းရင်းမြစ်များ

PUASAINA 22:31

“Ei chyhsa pathaihpa nama châ awpa a châ. Chavâta lyurâhpa liata arie ta a taipa sa nama nie awpa châ vei. Cha hawhpa cha i nama thy awpa a châ.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

EZEKIA 44:31

Theihthaipazy cha, pavaw tlyma, râhsa tlyma, ano kho ta a thipa nata sahrâhpa taipa a châpa chhao ta, kheihawhpa sawhsawpa hmah ama nie awpa châ vei.”

THEIHTHAINA 11:25

Ahy rai cha hawhpa sa thiruapa a phaohpa cha, a chysiazy pasu aw ta, zâlâ taih pathaih leipa a châ aw.

THEIHTHAINA 11:28

Cha hawhpa sa thiruapa a phaohpa cha a chysiazy pasu aw ta, zâlâ taih pathaih leipa a châ aw. Chazy cha nama châta hmo pathaih leipa a châ.

THEIHTHAINA 11:39

“A sa nama nie theipa chi kheihawhpa tlyma thi sala, cha sa thiruapa a hriapa cha, zâlâ taih pathaih leipa a châ aw.

THEIHTHAINA 14:46

Cha o khaw chhôh ta a ngiapa maih zâlâ taih pathaih leipa ama châ aw.

THEIHTHAINA 15:15

Theihthaipa ta moleina hlâna châta pô kha, raopa hlâna châta pô kha hlâ aw ta, a hniah lopa châta Abeipa hmiakô liata chatlaina a taopa aw.

THEIHTHAINA 15:27

Ahy rai cha hmozy a hriapa cha pathaih leipa châ aw ta, a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 16:26

“Azaze châta mie a pathlietuhpa chhao a chysia pasu aw ta, ti liata a ngai a si aw ta, cha khai tawhta riehmo lâ â di aw.

THEIHTHAINA 16:28

Mei ta a raotuhpa cha a chysia pasu aw ta, ti liata a ngai a si aw ta, cha khai tawhta riehmo lâ â di aw.

THEIHTHAINA 22:6

zâlâ taih pathaih leipa a châ aw. Ti liata a ngai â si ha tua leipa ta cha, hmo pathaihpazy a nie awpa châ vei.

THEIHTHAINA 22:8

Theihthaipa cha, ano kho ta a thipa sa tlyma, sahrâhpa ta a taipa tlyma niepa ta â papuapalei awpa châ vei. Kei he Abeipa ei châ.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

MALUHREINA 19:19

Chyhsa pathaihpa ta chyhsa pathaih leipa chô liata, apathaina ti cha noh thôhna noh nata noh sarina nohzy liata thia aw ta, noh sarina noh ta a pathaisa aw. A chysiazy pasu aw ta, ti liata a ngai a si aw ta, zâlâ ta a vaw pathaih ha aw.

1 KAWRINI 10:21

Abeipa nyu nata ahripa nyu doh pakaoh thei veih ei chi. Abeipa tlâhkhai nata ahripa tlâhkhai dôh pakaoh thei hra veih ei chi.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.