THEIHTHAINA 11:32 - Mara Bible RV (BSI)

³² Alyhpasa pathaih leipa thiruapa ta a tla thlupa hmobaoh chhao pathaih leipa a châ aw. Tho hmobaoh tlyma, chysia tlyma, savo tlyma, sykhao tlyma, kheihawhpa châta hmâpa hmobaoh rai châ sala, ti liata pachie awpa châ ta, zâlâ taih pathaih leipa a châ aw. Cha khai tawhta a pathaih aw.

THEIHTHAINA 11:32 ပူးပေါင်းရင်းမြစ်များ

THEIHTHAINA 11:31

Chazy cha alyhpasa zydua hry liata nama châta pathaih leipazy châ ta, ahy rai cha hawhpa sa thiruapa a hriapa cha zâlâ taih pathaih leipa a châ aw.

THEIHTHAINA 14:46

Cha o khaw chhôh ta a ngiapa maih zâlâ taih pathaih leipa ama châ aw.

THEIHTHAINA 15:12

Hniah hneipa ta a hriapa alei beih cha pakei awpa châ ta, tho hmobaoh zydua deikua, ti liata pasi khai awpa a châ.

THEIHTHAINA 15:15

Theihthaipa ta moleina hlâna châta pô kha, raopa hlâna châta pô kha hlâ aw ta, a hniah lopa châta Abeipa hmiakô liata chatlaina a taopa aw.

THEIHTHAINA 16:26

“Azaze châta mie a pathlietuhpa chhao a chysia pasu aw ta, ti liata a ngai a si aw ta, cha khai tawhta riehmo lâ â di aw.

THEIHTHAINA 17:15

“Ano kho ta a thipa tlyma, sa taipa tlyma a niepa cha, a râh chyhsa chhao, chihropa chhao, a chysiazy pasu aw ta, ti liata a ngai a si aw ta, zâlâ taih pathaih leipa a châ aw. Cha khai tawhta a pathaih aw.

THEIHTHAINA 22:6

zâlâ taih pathaih leipa a châ aw. Ti liata a ngai â si ha tua leipa ta cha, hmo pathaihpazy a nie awpa châ vei.

THEIHTHAINA 6:28

Atheihna sa chhona alei beih cha pakei ha awpa châ ta, dawhbeih ta chhopa a châ khiahta deikua cha, a pathaih ngaitapa ta chata ta ti ta pasi awpa a châ.

MALUHREINA 19:15

Hmobaoh a pahypa, a chhiehru ta chhiehruh leipa maih pathaih leipa a châ hra.

MALUHREINA 19:7

Theihthaipa cha a chysiazy pasu aw ta, ti liata a ngai a si aw ta, cha khai tawhta riehmo lâ â di aw. Châhrasala theihthaipa cha zâlâ taih pathaih leipa a châ aw.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.