THEIHTHAINA 10:6 - Mara Bible RV (BSI)

⁶ Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

THEIHTHAINA 10:6 ပူးပေါင်းရင်းမြစ်များ

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

PUASAINA 6:23

Arawna ta Aminadâ sawchanô, Nâsô sietanô Elisebâ cha lapinô ta hnei ta, ano ta Nâdâ, Abihu, Eliaza nata Ithamâ zy a sapa ei.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

THEIHTHAINA 13:45

“Phawhpa hri a ohpa cha chysia a hriepa a ky aw ta, a sâ pathliah aw ta, a hmao chô lâ khu aw ta, ‘Pathaih leipa, pathaih leipa,’ tahpa ta a awh awpa a châ.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

MALUHREINA 1:53

Livai pathlazy deikua cha, Izarei zawpi chô liata hiehâhna a vaw tlô lei nawpa ta, Biehrai byureih chheipâh liata ama poh o ama rai aw. Livai pathlazy cha Biehrai byureih mohôhtuhpa ama châ aw,” tahpa ta a rei hapa vâta a châ.

MALUHREINA 14:6

Chatawhcha râh mohparutuhpazy hry liata a hlao hrapa Nunâ sawchapawpa Zawsua nata Zephune sawchapawpa Kâlebâ cha ama chysia hrie ei ta,

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 18:5

Izarei sawzy chô liata hiehâhna a y khao lei nawpa ta, nâmo ta supathaihpa nata maisâh liata maophaohna zydua cha nama chaba khai aw.

MALUHREINA 20:25

Arawna nata a sawchapawpa Eliaza kha a chhi la, Hôri Tlâh lâ khykhei teh.

MALUHREINA 5:18

Theihthaipa ta chanô cha Abeipa hmiakô liata paduasa aw ta, a sâ pathliahsa aw ta, atheithlâhna niepa hlâna cha a ku liata a chabasa aw. Cha cha hiatliana niepa hlâna châ ta, theihthaipa ta chhiesana a patlôsapa ti khapa a ku liata â chaba aw.

RYHPACHANEINA 33:9

Na bie a ngiah ta, Na biehrai a zyhpa vâta, A nô nata a paw kyh liata, ‘Pachâ veih ei na’ tah ta; A unawhzy pahno leipa ta, A sawzy tlai chhao uasa vei.

ZAWSUA 22:18

Khazia tanoh Abeipa tleisai namâ chhuah heih tly? Tanoh Abeipa namâ dyuh khiahta cha, mylâ Izarei zawpi zydua chô liata a pathi a ia aw.

ZAWSUA 22:20

Zerâ sawchapawpa Âkhâ ta pahleipadia awpa hmozy kyh liata biepiepa a paraopa vâta, Izarei zawpi chô liata hiehâhna a vaw tlôpa kha a thei thlâh ha veih ei chi ma? A paraona vâta ano deita a leidia leipa kha,’” tah ei ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.