THEIHTHAINA 10:3 - Mara Bible RV (BSI)

³ Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 10:3 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ZAWBÂ 2:10

Zawbâ ta a lapinô hnohta, “Chanô hrupa bie rei ta dua na rei thlâh haw. Khazohpa tawhta hmo phapa hmô pi ta, hmo chhiepa chhao eima hmô hra awpa châ vei ma?” tah ta. He hmo zydua liana heta, Zawbâ chata a hmao ta moleina hmo rai reih vei.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 39:10

Ei hmahphaopa he na lapa ha mah y, Na kupathlana vâta ei rao khai ha hih.

HLAZY 39:9

Nâma hmotaopa a châpa vâta, Reih pathlie leipa ta y na ta, Pakah â leipa ta ei chalih.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

PUASAINA 14:17

Pachâ teh, Izi mo palôh kuh pachhasa aw na ta, Izarei sawzy a chadai aw ei ta, chatanachata Phiraoh nata a pheisaih zydua nata a talailihzy nata arâ a kiahpazy hmâpa ta palyupalihna ei hlao aw.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 19:22

Abeipa a hnia tyhpa theihthaipazy chhao a pathai hra mawh ei sy. Chataleipatala Abeipa ta âmo chhao a pahleipadia pathlei aw ei,” tah ta.

PUASAINA 19:24

Abeipa ta a hnohta, “Zu la, na hnohta Arawna a kaw chhi la, a khy heih mah y. Theihthaipazy nata zawpizy deikua cha, Abeipa lâ a vy awpa ta ama vaw chatôh pathlah awpa châ vei. Chataleipatala Abeipa ta âmo a chatôh pathlah pathlei aw ei,” tah ta.

PUASAINA 30:30

Kei châta theihthaipa chakaona rai hriapa ta eina chakao thei nawpa ei ta, Arawna nata a sawchapawzy cha sathawthupa ta na pathaisa aw ei.

ISAI 39:8

Hezekia ta Isai hnohta, “Abeipa bie na reipa cha a pha na,” tah ta. “Ei hro chhôh ta cha thlalôhna nata abohna a y aw,” tahpa ta a pachâpa vâta, cha bie cha a reipa a châ.

ISAI 49:3

Ei hnohta, “Hy Izarei, nâ cha nâ chakaotuhpa châ chi ta, Palyupalihpa ta ei y nawpa na châ,” tah ta.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

EZEKIA 20:41

Phopizy hry tawhta châ chhi papuapa ta, hiepatlapa ta nama yna râhzy tawhta ei cha pakhy ti ei ta, ropahâhpa châta châ pyh aw ei na ta, ei pathaihna cha phopizy mohmô liata nama hry liata ei palâsa aw, Abeipa Zehôvâh ta a tah.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 40:46

maw lâ a heihpa chhôhpadâhpa he, maisâh a vaotuhpa theihthaipazy y nawpa a châ. Âmo cha Zadô sawchapawzy châ ei ta, Livai sawchapawzy hry liata âmo deita he, Abeipa chakao awpa ta Abeipa a hnia theipazy ama châ,” tah ta.

EZEKIA 42:13

Chatawhcha chyhsa chata ei hnohta, “Tlyhmia dady liata a ypa maw lâta chhôhpadâhpazy nata chho lâta chhôhpadâhpazy he, chhôhpadâhpa pathaihpazy châ ei ta, Abeipa a hniapa theihthaipazy ta hmohlâpa pathaih chaipazy ama nie nawpa suzy a châ. Su pathaihpa a châpa vâta, hmohlâpa pathaih chaipazy, niepa hlâna, moleina hlâna nata thaileichâna hlâna zy cha, cha liata ama soh tyh awpa a châ.

THEIHTHAINA 21:15

Chatanachata a pathlazy cha a chiheihzy hry liata papuapalei leipa ta a y aw. Kei he Abeipa ano pathaisatuhpa cha ei châ,” tah ta.

THEIHTHAINA 21:17

“Arawna chho la, a hnohta hetana heta reih teh: ‘Chhâ vaw y lymâ awpa liata, na pathlazy hry liata a khaihly leipa cha, a Khazohpa viahchhâ hlâ awpa ta â hnia awpa châ vei.

THEIHTHAINA 21:21

Theihthaipa Arawna pathla a khaihly leipa cha Abeipa lâta mei ta hmohlâpa hlâ awpa ta â hnia awpa châ vei. A khaihly leipa a châpa vâta, a Khazohpa viahchhâ hlâ awpa ta â hnia awpa châ vei.

THEIHTHAINA 21:6

Ama Khazohpa châta ama pathaih awpa châ ta, ama Khazohpa moh ama papuapalei awpa châ vei. Khazohpa tovyuh a niepa châ ei ta, Abeipa lâta hmohlâpazy mei ta a hlâ tyhpa ama châpa vâta, ama pathaih awpa a châ.

THEIHTHAINA 21:8

Na Khazohpa viahchhâ a hlâpa a châpa vâta, na châta chyhsa pathaihpa ta na rao awpa a châ. Kei, Abeipa nâmo cha pathaisatuhpa he pathaih tlôh na ta, chavâta theihthaipa cha chyhsa pathaihpa ta na pachâ awpa a châ.

THEIHTHAINA 22:9

Chavâta ei biepiepazy amâ pyh awpa a châ. Chataleipatala ei hmo pathaihpa ama papuapaleipa vâta ama moleina maoh phaoh aw ei ta, ama thi pathlei aw. Kei he Abeipa âmo pathaisatuhpa ei châ.

THEIHTHAINA 8:35

Ahmaohna poh o chhikao liata noh sari chhôh chhô nah zâ ta y aw ei chi ta, nama thi lei nawpa ta, Abeipa biepiepa cha nama zyh awpa a châ. Cha cha ei hnohta biepiepa a châ,” tah ta.

MALUHREINA 16:5

Kôrâ nata a sahlaozy hnohta, “Mylâ my ta Abeipa ta ahy ma ano eih a châ tahpa a pasia aw. Ahy ma a pathaih tahpa pasia aw ta, a pathaihpa ta ano a hnia thei aw ta, Abeipa ta â tlyhpa tlai chata Abeipa cha â hnia thei aw.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

ZAWHÂNA 12:28

Chavâta ei Paw y, na moh parônahsa mah y,” tah ta. Avâ tawhta ao za pua ta, “Ei parônahsa haw, ei parônahsa heih aw,” tah ta.

ZAWHÂNA 14:13

Paw cha Sawchapawpa liata parônahsapa ta a y thei nawpa ta, ei moh ta nama hiapa maih ei tao lymâ aw.

RYHPACHANEINA 32:51

Zini râhchawhpa liata Meribâ Kâdesâ tizy liata, Izarei sawzy hmiakô liata na ngâ leipa ei chi ta, Izarei sawzy hry liata eina palyupalih leipa vâ ei chi ta bietai râh cha a ngia aw veih ei chi.

2 THYSALAWNIKA 1:10

Cha pachiana cha, a mopathaihpazy hry liata palyupalih awpa nata ngiapâtuhpa zydua hry liata noâh tah awpa ta â vyna noh liata a y aw. Nâmo deikua cha eimâ duakheipa bie a ngiapâtuhpazy nama châ.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.

1 SAMUELA 6:20

Beseme khihsawzy ta, “He Khazohpa pathaihpa Abeipa hmiakô liana he ahy ma a duah thei aw? Keimo tawhna heta ahy lâ ma khy sala a pha aw tly?” tah ei ta.