THEIHTHAINA 10:19 - Mara Bible RV (BSI)

¹⁹ Arawna ta Mawsi hnohta, “Pachâ teh, tanoh he ama moleina hlâna nata ama raopa hlâna Abeipa hmiakô liata hlâ ei ta, cha nota, kha hawhpa hmo kha ei chô liata vaw tlô ta, chavâta tanoh he moleina hlâna nie aw sah la, Abeipa mohmô ta hmo phapa a châ aw ma?” tah ta.

THEIHTHAINA 10:19 ပူးပေါင်းရင်းမြစ်များ

ISAI 1:11

“Nama atheihna hluh ngaitapazy he, Ei châta khâpa a phahnai?” Abeipa ta a tah. “Mietaku tôhpa raopa hlânazy na ai ha ta, Sahroh pathawhpa thawzy eina ai haw; Viahchao tôhpazy thisaih liata a ly leipa na ta, Mietakutaw nata mie thisaihzy liata a ly hra va na.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

HÔSIA 9:4

Abeipa lâta kresawhti hlânazy patlai thei leipa aw ei ta, Amâ theihnazy ta a palôh patlâh aw vei; Amâ theihna viahchhâ cha âmo châta, Mâchhiesapazy viahchhâ hawhta châ aw ta, A niepa maih a papuapalei aw; Ama viahchhâ cha, Âmo nodi papaina châ deita a châ aw; Abeipa o lâ a vaw ngia aw vei.

THEIHTHAINA 10:20

Cha bie cha a thei nahta Mawsi cha a palôh tlâh ha ta.

THEIHTHAINA 9:12

Arawna ta raopa hlâna cha thie ta, a sawchapawzy ta a thisaih vaw pie ei ta, maisâh kâ zydua liata thia ta.

THEIHTHAINA 9:8

Arawna ta maisâh cha a kei hnia ta, ano châta moleina hlâna viahchaotaw cha thie ta.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALAKHAI 1:13

‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 26:14

Su hrawh su kha cha mâchhie eima sa nota nie leipa pi ta, eima pathaih lei daihti liata chhao kheihawhpa hmah la leipa pi ta, kheihawhpa hmah athihpa hlâ ma pi. Abeipa eima Khazohpa ao nathlie pi ta, bie miah na piepa zydua hawhta eima tao khai.

PHILIPI 4:4

Abeipa liata khâ a ly teh u; ei tah heih aw, a ly teh u.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

HEBRAI 9:8

Cha hmo paryhzie tawhna chata Thlahpa Pathaihpa ta he he a pahnosa: Achhyna byureih tytuapa â dua chhôh cha, Su Pathaih Chaipa liata angiana lâpi pahypa châ mâh vei.