THEIHTHAINA 10:17 - Mara Bible RV (BSI)

¹⁷ “Khazia moleina hlâna sa cha, supathaihpa su liata nama nie vei? Cha cha hmo pathaih ngaitapa châ ta, zawpi thaileichâna phaoh ta, Khazohpa hmiakô liata âmo châta chatlaina tao nawpa ta nama hnohta piepa châ vei ma?

THEIHTHAINA 10:17 ပူးပေါင်းရင်းမြစ်များ

PUASAINA 28:38

Cha cha Arawna khi liata y aw ta, Izarei sawzy ta ama hmopiepa pathaihpa châta ama hlâ awpa hmo pathaihpazy liata moleina a ypazy cha, Arawna ta phaoh khai aw ta, Abeipa hmiakô liata a ly tlâh ama châ thei nawpa ta, Arawna khi liata khâ a y thlâh ha awpa a châ.

PUASAINA 28:43

Cha chysiazy cha Arawna nata a sawchapawzy ta ahmaohna poh o liata amâ ngia tita nata su pathaihpa liata chakao awpa ta maisâh amâ hnia tita, amâ ky tyh aw. Chataleipatala thailei châ aw ei ta, ama thi pathlei aw. Cha cha Arawna nata a pathlazy châta chhâzaw bieraopa a châ aw.

THEIHTHAINA 16:22

Mie cha râhchawhpa liata pathlie aw ta, chatanachata ama paraona zydua cha mie ta chyhsa y leina râh lâ a siekhei ha aw.

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 22:16

Chataleipatala hmo pathaihpazy niepa ta ama thaileichâna maoh ama phaoh pathlei aw. Kei he Abeipa âmo pathaisatuhpa ei châ,” tah ta.

MALUHREINA 18:1

Abeipa ta Arawna hnohta, “Nâ nata na sawchapawzy nata na paw chhôhkhazy ta supathaihpa liata paraona maoh phaoh aw ei chi ta, nâ nata na sawchapawzy ta nama theihthaina raihria kyh liata paraona maoh nama phaoh aw.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.