THEIHTHAINA 10:16 - Mara Bible RV (BSI)

¹⁶ Mawsi ta moleina hlâna châta hlâpa mie thâtih cha pakhâta ta patluah ta, rao hapa a châpa pahno ta. Chavâta Arawna sawchapaw a hrohpa Eliaza nata Ithamâ chô liata a hiehâh kaw ta, ama hnohta,

THEIHTHAINA 10:16 ပူးပေါင်းရင်းမြစ်များ

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

THEIHTHAINA 6:17

Viahchhâ cha thinô pahlaopa ta tao awpa châ vei. Cha cha kei lâta mei ta hmohlâpa tawhta ama tovyuh awpa ta ei piepa châ ta, moleina hlâna nata thaileichâna hlânazy hawhta hmo pathaih ngaitapa a châ.

THEIHTHAINA 6:26

Moleina hlâna châta a hlâtuhpa theihthaipa ta nie aw ta, ahmaohna poh o dôhpachhôh tlyhmia su pathaihpa liata nie awpa a châ.

THEIHTHAINA 6:30

Su Pathaihpa liata chatlaina tao nawpa ta, ahmaohna poh o liata a thisaih ama vaw cheipa sa, moleina hlâna châta atheihna sa deikua cha, nie awpa châ vei. Mei ta rao awpa a châ.

THEIHTHAINA 9:15

Cha khai tawhta zawpizy hmohlâpa cha hlâ ta. Zawpi châta moleina hlâna mie cha a chhi ta, thie ta, a hmiatuapa hawhna khata, moleina hlâna châta hlâ ta.

THEIHTHAINA 9:3

Izarei sawzy chho la, ama hnohta, ‘Moleina hlâna châta mie tôhpa nata raopa hlâna châta viahchaotaw nata mietakutaw kô khapa raihrie, seina a hnei leipazy cheih u la,

MALUHREINA 12:3

Mawsi cha chyhsa nônai ngaitapa châ ta, alei chô liata chyhsa zydua hry liata nônai chaipa a châ.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MÂKA 10:14

Zisu deikua ta, cha cha a hmô nahta, a ly leipa ta, ama hnohta, “Hawtizy kei lâ a vaw chhi u la, dytha khah u. Khazohpa khinarâh cha, he hawhpa chyhsazy eih châ tlôh ta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,