THEIHTHAINA 10:14 - Mara Bible RV (BSI)

¹⁴ A palôh chaluahpa nata a phei chachâh lâ chalopa cha, nâ nata na hnohta a ypa na sawchapawzy nata sawchanôzy ta su pathaihpa liata nama nie aw. Cha cha Izarei sawzy châta aryhna hlâna atheihnazy tawhta, nâ nata na sawzy tovyuh châta raopazy a châ.

THEIHTHAINA 10:14 ပူးပေါင်းရင်းမြစ်များ

PUASAINA 29:33

Âmo chahnaona nata pathaisana châta aryhna hmohlâpazy cha nie aw ei ta, hmo pathaihpa a châpa vâta, khôtho chyhsa ta a nie awpa châ vei.

EZEKIA 42:13

Chatawhcha chyhsa chata ei hnohta, “Tlyhmia dady liata a ypa maw lâta chhôhpadâhpazy nata chho lâta chhôhpadâhpazy he, chhôhpadâhpa pathaihpazy châ ei ta, Abeipa a hniapa theihthaipazy ta hmohlâpa pathaih chaipazy ama nie nawpa suzy a châ. Su pathaihpa a châpa vâta, hmohlâpa pathaih chaipazy, niepa hlâna, moleina hlâna nata thaileichâna hlâna zy cha, cha liata ama soh tyh awpa a châ.

THEIHTHAINA 10:13

Abeipa lâta mei ta hmohlâpa tawhta nâ nata na sawchapawzy tovyuh a châpa vâta, su pathaihpa liata nama nie awpa a châ. Cha hawhta tao awpa ta biepiepa ei châ.

THEIHTHAINA 22:13

Theihthaipa sawchanô a nôhmeipa tlyma, a vahpa ta a mapa tlyma, saw hnei leipa ta a paw o lâ a kua khiahta deikua cha, a laihsa no hawhta a paw pati a nie heih thei aw. Chyhsa zawrâpa deikua theihthaipa pati pathaihpa a nie awpa châ vei.

THEIHTHAINA 9:21

Mawsi biepiepa hawhta, a palôh nata a phei chachâh lâ cha, Arawna ta chaluahpa hlâna châta Abeipa hmiakô liata chaluah ta.

MALUHREINA 18:11

“Hezy chhao na tovyuh a châ: Ama chalopa hlâna hmopiepa nata Izarei sawzy chaluahpa hlâna zydua cha, nâ nata na hnohta a ypa na sawchapawzy nata na sawchanôzy hnohta chhâzaw ta nama tovyuh châta ei cha pie ei. Na o liata chyhsa pathaihpa maihta ama nie thei aw.

MALUHREINA 5:9

Theihthaipa lâta ama cheipa Izarei sawzy hmohlâpa pathaihpa zydua cha theihthaipa eih a châ aw.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.