THEIHTHAINA 10:10 - Mara Bible RV (BSI)

¹⁰ Hmo ziehchhôhpa nata hmo vâtlâhpa panano aw ei chi ta, hmo pathaih leipa nata pathaihpa nama panano awpa a châ.

THEIHTHAINA 10:10 ပူးပေါင်းရင်းမြစ်များ

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

THEIHTHAINA 11:47

Pathaihpa nata pathaih leipa panano awpa châ ta, hmohrohneipa nie theipa nata hmohrohneipa nie lei awpa chi chhao panano awpa a châ,” tah ta.

THEIHTHAINA 13:43

Theihthaipa ta moh aw ta, a luh pôlôpa liata tlyma, a khi tlyhpa liata tlyma hri a kaw puapa cha, pôhpa vo liata phawhpa a vaw lâpa hawhta saih tôlôhpa ta a kaw pua khiahta cha,

THEIHTHAINA 14:57

pathaih leipa nata pathaihpa pahno nawpa ryhpa a châ. Cha cha phawhpa hri kyh liata ryhpa a châ.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.