THEIHTHAINA 10:1 - Mara Bible RV (BSI)

¹ Arawna sawchapawpa Nâdâ nata Abihu ta ropahâhpa ama raona byh la chyu ei ta, a chhôh liata mei soh ei ta, ropahâhpa mia ei ta, Abeipa ta âmo bie a pie leipa mei hropa hmâpa ta Abeipa hmiakô liata hlâ ei ta.

THEIHTHAINA 10:1 ပူးပေါင်းရင်းမြစ်များ

1 ABEIZY 18:38

Chatanachata Abeipa mei cha vaw tla ta, raopa hlâna nata thozy nata alôzy nata dohlei zy cha kâ patlô khai ha ta, khaohtlô liata ti chhao palie khai ha ta.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

PUASAINA 24:1

Chatawhcha Abeipa ta Mawsi hnohta, “Nâma, Arawna, Nâdâ, Abihu nata Izarei machâ sysari Abeipa lâ a khy u la, lâhla tawhta a vaw chhy muh vy.

PUASAINA 24:9

Chatawhcha Mawsi nata Arawna, Nâdâ, Abihu nata Izarei machâ sysarizy cha khy ei ta,

PUASAINA 27:3

Maisâh buchâh thyna beihzy, buchâh linazy, rahôzy, sa thaona thuakuzy nata mei lanazy tao aw chi ta, maisâh chhaichhi zydua cha dawh ta na tao khai aw.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 31:11

sathaw pathaihpa nata Su Pathaihpa châta ropahâhpa pahâh ngaitapazy ama tao thei nawpa ta, zôthaipa zydua hnohta sona ei pie ei. Tao awpa ta bie ei cha piepa zydua hawhna khata ama tao awpa a châ,” tah ta.

PUASAINA 37:29

Sathawthuna châta sathaw pathaihpa nata ropahâhpa pasohpa tao ta, ropahâhpa a tao thaipazy taozie hawh tlai ta a tao.

PUASAINA 38:3

Maisâh chhaichhi zydua, beihzy, buchâh linazy, rahôzy, sa thaona thuakuzy, mei lanazy dawh ta tao ta.

PUASAINA 40:27

Abeipa ta Mawsi hnohta bie a piepa hawhta, a chô liata ropahâhpa pahâh ngaitapa rao ta.

PUASAINA 6:23

Arawna ta Aminadâ sawchanô, Nâsô sietanô Elisebâ cha lapinô ta hnei ta, ano ta Nâdâ, Abihu, Eliaza nata Ithamâ zy a sapa ei.

PUASAINA 8:27

Noh thôh lâsie râhchawhpa lâ sie aw pi ta, bie miah a piepa hawh tlai ta, Abeipa eima Khazohpa lâ eimâ theih aw,” tah ta.

ZEREMIAH 19:5

Bâlâ su sâhpazy tao ei ta, raopa hlânazy châta ama sawchapawzy mei liata rao ei ta, Bâlâ lâ ama hlâ tyh. Cha cha keima biepiepa châ leipa ta, ei hnawpa châ hra leipa ta, ei palôh liata chhao a lâ beih leipa a châ.

ZEREMIAH 32:35

Hinô Sawchapawpa Saikao liatapa Bâlâ achhyna su sâhpazy padua ei ta, ama sawchapawzy nata ama sawchanôzy Môleka lâ ama hlâ tyh. Zudâh pamoleisa nawpa ta, he hmo pasichhihpa tao awpa heta, biepie leipa ei na ta, ei palôh liata chhao a lâ beih vei.

ZEREMIAH 44:15

Ama lapinôzy ta khazoh hropazy lâ ropahâhpa ama raopa a pahnopa chapaw zydua nata cha liata a duahpa chanô zydua nata Izi râh Pâtharô liata a pahrâpa chyhsa zydua, zawpi hluh ngaitapazy ta Zeremiah cha a chhy ei ta, a hnohta,

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 7:31

Ama sawchapawzy nata ama sawchanôzy mei liata rao nawpa ta, Hinô Sawchapawpa Saikao liata Tôphe su sâhpazy ama padua. Chazy cha keima biepiepa châ leipa ta, ei palôh liata chhao a ngia beih vei,” Abeipa ta a tah.

THEIHTHAINA 16:1

Arawna sawchapaw pano ta mei pathaih leipa hmâpa ta Abeipa lâta ropahâhpa ama hlâpa vâta ama thi tawhta Abeipa ta Mawsi cha bie a chho ta.

THEIHTHAINA 16:12

Chatawhcha mei-ia ta a biepa meilana beikoh cha, maisâh tawhta Abeipa hmiakô liata la aw ta, ropahâhpa pahâh ngaitapa, a dipa ta phypa kupazah miano chhaota, pohraipa chhôh lâ â ngiakhei aw.

THEIHTHAINA 22:9

Chavâta ei biepiepazy amâ pyh awpa a châ. Chataleipatala ei hmo pathaihpa ama papuapaleipa vâta ama moleina maoh phaoh aw ei ta, ama thi pathlei aw. Kei he Abeipa âmo pathaisatuhpa ei châ.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

MALUHREINA 16:46

Mawsi ta Arawna hnohta, “Ropahâhpa raona na biebuh kha la la, a chô liata maisâh liata mei kha soh la, ropahâhpa mia la, zawpi lâ a râkhei para la, âmo châta chatlaina tao teh. Abeipa tawhta hiehâhna pua ha ta, potlana â thao haw,” tah ta.

MALUHREINA 26:61

Nâdâ nata Abihu deikua cha Abeipa hmiakô liata pasai leipa mei ama hlâ raruah nota ama thi haw.

MALUHREINA 4:18

“Kôhâ pathla chi nata phozy Livai chi tawhta chhawh pathlahpa ta ama y awpa châ vei.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.