THEIHTHAINA 1:8 - Mara Bible RV (BSI)

⁸ Arawna sawchapaw theihthaipazy ta sa cha, a luh nata a thaw chhaota a vyuh vyuh ta paziah aw ei ta, chazy cha maisâh mei tho chô liata ama soh aw.

THEIHTHAINA 1:8 ပူးပေါင်းရင်းမြစ်များ

1 ABEIZY 18:23

Viahchao tôhpa pô no miah vaw pie ei sala, âmo châta pô kha amâ tlyh aw. Viahchao tôhpa cha a vyuh vyuh ta pachhaih aw ei ta, tho chô liata soh aw ei ta, mei deikua a ry liata ama pati awpa châ vei. Kei chhao viahchao tôhpa pô kha a chhuanoh hra aw na ta, tho chô liata soh aw na ta, a ry liata mei patih hra aw va na.

1 ABEIZY 18:33

Tho cha a phapa ta pacho ta, viahchao tôhpa cha a vyuh vyuh ta pachhaih ta, tho chô liata soh ta. “Beih mia palih ti ta pabie u la, raopa hlâna nata tho he vaw hry teh u,” tah ta.

EZEKIA 40:43

Tlâhkhai pâhchhô chhôh lâta pazah tie a seihpa thuakuzy pataohpa a châ. Atheihna hlâna sazy cha tlâhkhaizy chô liata so awpa a châ.

THEIHTHAINA 1:12

A sa cha a hlâtuhpa ta pachhaih aw ta, theihthaipa ta a luh nata a thaw chhaota maisâh mei tho chô liata a soh aw.

THEIHTHAINA 3:3

Aryhna hlâna châta atheihna cha Abeipa lâta mei ta hlâ aw ta, a rihhri nata a chhôrih liata thaw zydua nata

THEIHTHAINA 3:4

a patoh kiapâh liata a lôpo miano nata a lôpo a pahlypa thawzy nata a pathi a pahlypa thawzy cha, a lôpozy chhaota la aw ta, a hlâ aw.