THEIHTHAINA 1:5 - Mara Bible RV (BSI)

⁵ Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

THEIHTHAINA 1:5 ပူးပေါင်းရင်းမြစ်များ

2 THÂTIHZYRONA 35:11

Zawpakhô mietakutaw cha thie ei ta, Livai pathlazy ta a vo ama hlai hai nota, âmo tawhta thisaih ama daopa cha theihthaipazy ta thia ei ta.

PUASAINA 29:11

Chatawhcha ahmaohna poh o chhikao thaby liata Abeipa hmiakô ta viahchao tôhpa cha na thie aw.

PUASAINA 29:16

Mietaku tôhpa cha thie aw chi ta, a thisaih la aw chi ta, maisâh kâ zydua liata na thia aw.

PUASAINA 40:6

Ahmaohna poh o achhyna byureih chhikao hmiakô liata raopa hlâna maisâh na patyuh aw.

ISAI 52:15

Râh hluhpizy cha, A thisaih thiapa ta pathaisa aw ta; Ano vâta beizy hmaomopa ta ama y aw. Rei beih leipa hmozy hmô aw ei ta, Thei beih leipa hmozy ama pahno thai aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 43:18

Chatawhcha chyhsa chata ei hnohta, “Chyhsa sawchapawpa y, Abeipa Zehôvâh ta hetana heta a tah: Hezy he maisâh hmânazie awpa ryhpazy cha a châ: Raopa hlânazy hlâ nawpa nata thisaih thia awpa ta maisâh paduapa a châ noh ta,

THEIHTHAINA 1:11

Maisâh kâ maw lâchhâh ta Abeipa hmiakô liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 1:15

Theihthaipa ta maisâh lâ cheih aw ta, a rao chamieh pachhô aw ta, a thisaih cha maisâh kâ liata pathlaoh aw ta, maisâh chô liata a rao aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 17:11

Sapa hrona cha thisaih liata y ta, cha cha nama hronazy chatlai nawpa ta, maisâh liata ei cha pie ei. Thisaih cha hrona châ ta, hrona chatlaina a tao theituhpa cha thisaih a châ.

THEIHTHAINA 3:13

A luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 3:2

A hmohlâpa luh chô liata a ku pahnieh aw ta, ahmaohna poh o chhikao thaby liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 3:8

A hmohlâpa luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 4:29

Moleina hlâna sa luh chô liata a ku pahnieh aw ta, moleina hlâna cha raopa hlâna su liata a thie aw.

THEIHTHAINA 4:33

Moleina hlâna sa luh chô liata a ku pahnieh aw ta, raopa hlâna ama thiena su liata moleina hlâna châta a thie aw.

THEIHTHAINA 4:7

Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

MIKÂ 6:6

“Khâpa a cheipa ta ma, Abeipa hmiakô lâ vawh aw na ta, Khazoh chônôchaipa hmiakô liata ei bôh aw tly? Raopa hlânazy cheipa ta ma, Viahchaotaw kô khapazy cheipa ta ma, Abeipa hmiakô lâ cha ei vawh aw?

MALUHREINA 18:17

Viahchao a pataw tuapa, mietaku a pataw tuapa nata mie a pataw tuapazy deikua cha, pathaihpa ama châpa vâta na chatlai awpa châ vei. Ama thisaih maisâh liata thia aw chi ta, mei ta hmohlâpa châta ama thawzy mei ta na rao aw. Cha cha Abeipa châta ropahâhpa a châ aw.

HEBRAI 10:11

Theihthaipa maihta chakao awpa ta noh chareih a duah ei ta, moleinazy a siekhei thei leipa atheihna ama hlâ tyhpazy cha, a ualua ta ama hlâ chanei ngâ thlâh ha tyh.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

1 SAMUELA 1:25

Viahchao tôhpa cha thie ei ta, hawtipa cha Eli lâ a chhi ei ta.