THEIHTHAINA 1:4 - Mara Bible RV (BSI)

⁴ Raopa hlâna luh chô liata a ku pahnieh aw ta, chatanachata ano chatlaina châta raopa hlâna cha ano vyuhpa ta a pyhpa a châ aw.

THEIHTHAINA 1:4 ပူးပေါင်းရင်းမြစ်များ

PUASAINA 28:38

Cha cha Arawna khi liata y aw ta, Izarei sawzy ta ama hmopiepa pathaihpa châta ama hlâ awpa hmo pathaihpazy liata moleina a ypazy cha, Arawna ta phaoh khai aw ta, Abeipa hmiakô liata a ly tlâh ama châ thei nawpa ta, Arawna khi liata khâ a y thlâh ha awpa a châ.

PUASAINA 29:10

“Ahmaohna poh o hmia liata viahchao tôhpa vaw cheih aw chi ta, Arawna nata a sawchapawzy ta viahchao tôhpa luh chô liata ama ku ama pahnieh aw.

PUASAINA 29:15

“Mietaku tôhpa pô kha vaw cheih aw chi ta, Arawna nata a sawchapawzy ta mietaku tôhpa luh chô liata ama ku ama pahnieh aw.

PUASAINA 29:19

“Mietaku tôhpa hropa a vaw chhi heih aw chi ta, Arawna nata a sawchapawzy ta mietaku tôhpa luh chô liata ama ku ama pahnieh aw.

PUASAINA 29:33

Âmo chahnaona nata pathaisana châta aryhna hmohlâpazy cha nie aw ei ta, hmo pathaihpa a châpa vâta, khôtho chyhsa ta a nie awpa châ vei.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

EZEKIA 45:15

Izarei sawzy châta chatlaina tao awpa ta, ti yna Izarei sibiepa suzy liata a tlaihpa mietaku zaw tawhta, mietaku za no liata pô kha lymâ la aw ei chi ta, chazy cha niepa hlâna, raopa hlâna nata aryhna hlânazy châta nama hlâ aw, Abeipa Zehôvâh ta a tah.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 16:21

Arawna ta mie hrohpa luh chô liata a ku kârano pahnieh aw ta, Izarei sawzy paraona, tao pasina nata moleina zydua mie chô liata palâhâh aw ta, chazy cha mie luh chô liata a soh khai aw. Mie cha rao eihpa chyhsa ku liata pie aw ta, râhchawhpa lâ a kei pathliesa aw.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 22:21

Ahy rai a bietai patlô nawpa ta Abeipa lâta aryhna hlâna châta tlyma, lôhthai hmohlâpa châta tlyma, atheihna a hlâ tita, a py tlâh a châ thei nawpa ta, viahchao hri tawhta tlyma, mietaku zaw tawhta tlyma, seina hnei leipa a hlâ awpa a châ. Sahroh cha seina rai a hnei awpa châ vei.

THEIHTHAINA 22:27

“Viahchao tôhpa tlyma, mietaku tlyma, mie tlyma a pataw nahta, a panô hnohta noh sari y aw ta, a noh chariena noh tawhta, Abeipa lâta mei ta hmohlâpa châta a pyh theipa a châ aw.

THEIHTHAINA 3:13

A luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 3:2

A hmohlâpa luh chô liata a ku pahnieh aw ta, ahmaohna poh o chhikao thaby liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 3:8

A hmohlâpa luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 4:15

Zawpi chhituhpa machâzy ta viahchao tôhpa luh chô liata Abeipa hmiakô ta ama ku pahnieh aw ei ta, viahchao tôhpa cha Abeipa hmiakô liata ama thie aw.

THEIHTHAINA 4:20

Cha hawhna chata viahchao tôhpa cha hlâ aw ta, theihthaipa châta moleina hlâna viahchao tôhpa taozie hawhta a tao aw. Cha hawhna chata theihthaipa ta zawpi châta chatlaina tao aw ta, a ngiahthaipa ama châ aw.

THEIHTHAINA 4:24

Mie luh chô liata a ku pahnieh aw ta, raopa hlâna thie tyhna liata Abeipa hmiakô ta a thie aw. Cha cha moleina hlâna a châ.

THEIHTHAINA 4:26

A thaw zydua cha, aryhna hlâna châta atheihna thaw hawhta maisâh liata rao aw ta, theihthaipa ta a moleina châta chatlaina taopa aw ta, chatanachata a ngiahthaipa a châ aw.

THEIHTHAINA 4:29

Moleina hlâna sa luh chô liata a ku pahnieh aw ta, moleina hlâna cha raopa hlâna su liata a thie aw.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 4:33

Moleina hlâna sa luh chô liata a ku pahnieh aw ta, raopa hlâna ama thiena su liata moleina hlâna châta a thie aw.

THEIHTHAINA 4:35

A thaw zydua cha, aryhna hlâna châta atheihna mietakutaw thaw lapa hawhta la aw ta, theihthaipa ta maisâh liata Abeipa lâta mei ta hmohlâpa chô liata rao aw ta, moleina hmo a taopa ty thô nawpa ta, theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 4:4

Viahchao tôhpa cha ahmaohna poh o chhikao thaby liata Abeipa hmiakô ta a vaw chhi aw ta, viahchao tôhpa luh chô liata a ku pahnieh aw ta, Abeipa hmiakô liata viahchao tôhpa cha a thie aw.

THEIHTHAINA 5:6

a moleina chatlai nawpa ta mietaku zaw hry tawhta mietakutaw chanôpa tlyma, mie chanôpa tlyma, moleina hlâna châta Abeipa lâ hlâ aw ta, theihthaipa ta a moleina chatlaina a taopa aw.

THEIHTHAINA 6:7

Theihthaipa ta Abeipa hmiakô liata chatlaina taopa aw ta, chatanachata a hmotaopa vâta a thaileichâna cha a ngiahthaipa a châ aw,” tah ta.

THEIHTHAINA 8:14

Chatawhcha moleina hlâna viahchao tôhpa a vaw chhi ta, Arawna nata a sawchapawzy ta moleina hlâna viahchao tôhpa luh chô liata ama ku pahnieh ei ta.

THEIHTHAINA 8:18

Cha khai tawhta raopa hlâna mietaku tôhpa cha hlâ ta. Arawna nata a sawchapawzy ta mietaku tôhpa luh chô liata ama ku pahnieh ei ta.

THEIHTHAINA 8:22

Chatawhcha mietaku tôhpa hropa, chahnaona mietaku tôhpa hlâ heih ta. Arawna nata a sawchapawzy ta mietaku tôhpa luh chô liata ama ku pahnieh ei ta.

THEIHTHAINA 9:7

Chatawhcha Mawsi ta Arawna hnohta, “Maisâh a vaw hnia la, na moleina hlâna nata na raopa hlânazy vaw hlâ la, nâma châta nata zawpi châta chatlaina tao teh. Abeipa biepiepa hawhta, zawpi vyuhpa ta hmohlâpa hlâ la, ama châta chatlaina tao teh,” tah ta.

MALUHREINA 15:25

Chatawhcha theihthaipa ta Izarei zawpi zydua châta chatlaina tao aw ta, tao pathleipa châ ta, ama tao pathleipa châta Abeipa lâta mei ta hmohlâpa hlâ ei ta, Abeipa hmiakô liata moleina hlâna ama hlâ hapa vâta, a ngiahthaipa ama châ aw.

MALUHREINA 15:28

Pahno leina vâta a molei pathleipa châna chata, theihthaipa ta Abeipa hmiakô liata chatlaina taopa aw ta, a ngiahthaipa a châ aw.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

MALUHREINA 8:10

Livai pathlazy cha Abeipa hmiakô lâ a chhi aw chi ta, Izarei sawzy ta Livai pathlazy chô liata ama ku ama pahnieh aw.

MALUHREINA 8:12

Livai pathlazy ta viahchao tôhpazy luh liata ama ku pahnieh aw ei ta, âmo châta chatlaina tao nawpa ta, moleina hlâna châta pô kha hlâ aw chi ta, raopa hlâna ta pô kha na hlâ aw.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 3:25

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

HEBRAI 10:4

Viahchao tôhpazy nata miezy thisaih ta moleinazy pahlei thei rimâ awpa châ vei.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.