THEIHTHAINA 1:3 - Mara Bible RV (BSI)

³ “A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 1:3 ပူးပေါင်းရင်းမြစ်များ

ÂTHAONA 22:13

Abarahâ cha kaw ua ta, mohmia pasaih ta, mietaku tôhpa pô kha chhohbuh liata a ki a taw hapa a hnôhky liata vaw y thlâh ha ta. Abarahâ cha vawh ta, mietaku tôhpa cha patu ta, a sawchapawpa vyuhpa ta raopa hlâna ta hlâ ta.

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

ÂTHAONA 22:8

Abarahâ ta, “Ei sawchapawpa y, raopa hlâna châta mietakutaw cha Khazohpa ta anosasyh ta â tôh aw,” tah ta. Ama pano ta hmaohkha ta sie lymâ ei ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

2 THÂTIHZYRONA 29:32

Raopa hlânazy châta zawpi vaw cheipa sahrohzy cha, viahchao tôhpa 70, mietaku tôhpa 100 nata mietakutaw 200 a châ. Cha zydua cha Abeipa lâta raopa hlâna châta ama vaw cheipa sai a châ.

2 THÂTIHZYRONA 35:12

Mawsi Châbu liata ropa hawhta, vâtlâh châta Abeipa lâ hlâ awpa ta, a chhôh chhôh ta amâ pachhaihnazie hawhta raopa hlânazy ama rairuah. Viahchao tôhpazy chhao, cha hawna chata ama rairuah hra.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

PUASAINA 12:5

Nama mietakutaw cha seina a hnei leipa, a chapawpa kô khapa a châ awpa châ ta, mietaku hry liatapa tlyma, mie hry liatapa tlyma namâ so thei.

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

PUASAINA 29:4

Arawna nata a sawchapawzy cha ahmaohna poh o chhikao lâ a vaw chhi aw chi ta, âmo cha ti ta na pasi aw ei.

PUASAINA 29:42

Cha cha nama chhâ zydua ta ahmaohna poh o chhikao thaby liata Abeipa hmiakô ta khâ nama hlâ tyh awpa raopa hlâna châ aw ta, cha liata châ tyh aw na ta, bie ei châ chho tyh aw.

PUASAINA 32:6

A mylâ mydi kari ta thyu ei ta, raopa hlânazy hlâpa ta, aryhna hlânazy vaw cheih ei ta. Niedo awpa ta zawpi a tyuh ei ta, cha khai tawhta a palypauasa awpa ta thyu ei ta.

PUASAINA 35:21

Palôh thathyupa nata pie khohna palôh a hneipa maih a vy ei ta, ahmaohna poh o nata a chakaona nata chysia pathaihpazy tao nawpa ta hmâ awpa ta Abeipa lâ thyuna vaw cheih ei ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

PUASAINA 35:5

Nama hry tawhta Abeipa châta thyuna vaw cheih teh u. Abeipa châta thyuna pie khohna palôh a hneipa maihta thyuna cha vaw cheih ei sala, ngôhzy, tâkâzy, dawhzy;

PUASAINA 36:3

Izarei sawzy ta supathaihpa châta rai hria nawpa ta ama vaw thyupa zydua Mawsi tawhta la lymâ ei ta. My chareih ta lôhthai thyunazy Mawsi hnohta vaw hlâ pazao lymâ ei ta.

PUASAINA 38:1

Akeisia tho ta raopa hlâna maisâh, a doh lâ dy pangawh a seihpa nata a hâ lâ dy pangawh a kawhpa tao ta. Maisâh cha ki palih hneipa ta taopa châ ta, â sâhna lâ cha dy thôh a châ.

ISAI 1:11

“Nama atheihna hluh ngaitapazy he, Ei châta khâpa a phahnai?” Abeipa ta a tah. “Mietaku tôhpa raopa hlânazy na ai ha ta, Sahroh pathawhpa thawzy eina ai haw; Viahchao tôhpazy thisaih liata a ly leipa na ta, Mietakutaw nata mie thisaihzy liata a ly hra va na.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

EZEKIA 40:39

Raopa hlâna, moleina hlâna nata thaileichâna hlâna sazy thie nawpa ta, chhikao o aikah chavei chachâh ta tlâhkhai miano raihrie a y.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 14:10

“A noh chariena noh ta mietakutaw chapawpa seina hnei leipa pô no, mietakutaw chanôpa kô khapa seina hnei leipa pô kha nata niepa hlâna châta viahdie dipa sathaw pahlaopa kachu su hrawh su thôh nata sathaw chhiehraôh ôh kha a hlâ aw.

THEIHTHAINA 16:7

Mie pô no a chhi aw ta, ahmaohna poh o chhikao liata Abeipa hmiakô ta a soh aw.

THEIHTHAINA 17:4

Abeipa achhyna byureih hmiakô liata Abeipa lâta hmohlâpa ta hlâ awpa ta, ahmaohna poh o chhikao liata a vaw cheih leipa cha, thisaih a palopa ta pachâpa châ aw ta, a chô liata thisaih maoh a y aw. Cha chyhsa cha a phopi tawhta chhawh pathlahpa a châ aw.

THEIHTHAINA 17:8

“Ama hnohta hetana heta reih via teh: Izarei pathla ahy tlyma, chihropa ama hry liata a pahrâpa ahy tlyma, raopa hlâna tlyma, atheihna tlyma hlâ sala,

THEIHTHAINA 17:9

Abeipa lâta hlâ awpa ta ahmaohna poh o chhikao liata a vaw cheih leipa khiahta cha, cha chyhsa cha a phopi tawhta chhawh pathlahpa a châ aw.

THEIHTHAINA 23:12

Sapiah nama chaluah noh ta, mietakutaw chapawpa kô khapa, seina hnei leipa cha, raopa hlâna ta Abeipa lâta nama hlâ aw.

THEIHTHAINA 23:18

Viahchhâ hlâ nota, mietakutaw kô khapa seina hnei leipa pô sari, viahchao tôh dawpa pô kha nata mietaku tôhpa pô no nama hlâ awpa a châ. Chazy cha Abeipa lâta raopa hlâna châ aw ta, ama niepa hlâna nata ama dopa hlânazy chhaota Abeipa lâta raopa hlâna ropahâh ngaitapa a châ aw.

THEIHTHAINA 3:1

“Chyhsa hmohlâpa cha aryhna hlâna châta atheihna châ sala, viahchao hri tawhta a hlâ khiahta cha, a chapawpa tlyma, a chanôpa tlyma hlâ thei ta, Abeipa hmiakô liata seina hnei leipa a hlâ awpa a châ.

THEIHTHAINA 4:15

Zawpi chhituhpa machâzy ta viahchao tôhpa luh chô liata Abeipa hmiakô ta ama ku pahnieh aw ei ta, viahchao tôhpa cha Abeipa hmiakô liata ama thie aw.

THEIHTHAINA 4:23

Moleina hmo a taopa cha â vaw pahno nahta, hmohlâpa châta mie tôhpa seina hnei leipa a hlâ awpa a châ.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 4:32

“Moleina hlâna châta mietakutaw hlâ awpa a vaw cheih khiahta cha, a chanôpa seina hnei leipa a vaw cheih awpa a châ.

THEIHTHAINA 5:15

“Chyhsa ta hmo paraopa ta Abeipa hmo pathaihpazy chô liata a molei pathlei khiahta cha, a moleina ty thô nawpa ta, mietaku zaw hry tawhta mietaku tôhpa seina hnei leipa Abeipa lâ a hlâ awpa a châ. Supathaihpa tâkâ reizie ta reipa ta, mietaku tôhpa mâ dopa cha a tâkâ ta cheih pâ aw ta, thaileichâna hlâna châta a hlâ aw.

THEIHTHAINA 5:18

Mietaku zaw hry tawhta mietaku tôhpa seina hnei leipa cha, a mâ dopa chhaota, thaileichâna hlâna châta theihthaipa lâ cheih aw ta, pahno leipa ta a tao pathleipa kyh liata theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 6:2

“Chyhsa ta Abeipa châta a ngâchhihna pahleipa ta, chyhsa sôh â vaopa kyh liata zy, chyhsa hnohta pie awpa bie â taihpa kyh liata zy, a parupa kyh liata zy, â doleipa ta a vaih chô liata taopa ta tlyma, a vaih tlybai raruahpa ta tlyma, hmo a parao khiahta cha;

THEIHTHAINA 6:8

Abeipa ta Mawsi chho ta, a hnohta,

THEIHTHAINA 7:16

 theihna hlâna cha bietai hlâna tlyma, lôhthai hlâna tlyma a châ khiahta deikua cha, atheihna a hlâ noh ta nie awpa châ ta, nie laipa cha a mylâ ta nie theipa a châ.

THEIHTHAINA 8:18

Cha khai tawhta raopa hlâna mietaku tôhpa cha hlâ ta. Arawna nata a sawchapawzy ta mietaku tôhpa luh chô liata ama ku pahnieh ei ta.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

THEIHTHAINA 9:2

Arawna hnohta, “Moleina hlâna châta viahchao tôh dawpa nata raopa hlâna châta mietaku tôhpa, seina hnei leipa raihrie a chhi la, Abeipa hmiakô liata hlâ mah y.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 15:8

Raopa hlâna châta tlyma, bietai patlô nawpa ta atheihna châta tlyma, aryhna hlâna châta tlyma, Abeipa lâta viahchao tôhpa na hlâ khiahta cha,

MALUHREINA 19:2

“He he Abeipa biepiepa ryhpa bieraopazy a châ: Izarei sawzy hnohta viahchao zeinô saihpa, pihpasina hnei leipa, seina hnei leipa nata raopaky a kyh beih leipa nâ lâ a vaw chhi awpa ta chho teh.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MALUHREINA 23:27

Bâlâka ta Bâlâma hnohta, “A vy teh, su hro lâ ei châ chhi aw. Cha su chhâ ta cha Khazohpa palôh patlâh thei ngyu aw ta, cha tawhna chata âmo cha chhie eina sapa thei ngyu aw chi,” tah ta.

MALUHREINA 23:3

Bâlâma ta Bâlâka hnohta, “Raopa hlâna na hlâpa kiapâh liata a vaw duah la, kei deikua cha ânano ta kei y na ta, Abeipa a vy aw ta, einâ vaw tyh ngyu aw. Eina pahmôsapa maih ei cha chho aw,” tah ta. Chatanachata tlâh laki lâ khy ta.

MALUHREINA 23:30

Bâlâka ta Bâlâma reipa hawhta tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.

MALUHREINA 28:11

“Nama thla thiehpa maihta, Abeipa lâta raopa hlâna, viahchao tôh dawpa pô no nata mietaku tôhpa pô kha nata mietakutaw chapawpa kô khapa seina hnei leipa pô sari nama hlâ tyh aw.

MALUHREINA 28:19

Mei ta hmohlâpa raopa hlâna deikua cha Abeipa lâ nama hlâ aw. Viahchao tôh dawpa pô no, mietaku tôhpa pô kha nata mietakutaw chapawpa kô khapa pô sari, seina hnei leipazy nama hlâ aw.

MALUHREINA 28:31

Chazy cha raopa hlâna ta â chakaihpa dopa hlânazy chhaota pachhuahpanoh aw ei chi ta, raopa hlâna nata niepa hlâna hlâ tyhpazy thota hlâ awpazy a châ. Sahroh hlâ awpazy cha seina hnei leipazy ama châ awpa a châ.

MALUHREINA 29:13

Abeipa châta ropahâhpa, mei ta hmohlâpa raona hlâna viahchao tôh dawpa pô hrawh hleithôh, mietaku tôhpa pô no, mietakutaw chapawpa kô khapa seina hnei leipa pô hrawh hleipalih nama hlâ aw.

MALUHREINA 29:2

Raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa seina hnei leipa pô sari nama hlâ aw. Cha cha Abeipa châta ropahâhpa a châ aw.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

ZAWHÂNA 1:36

Zisu â hlaihlâ ngâpa hmô ta, “Moh teh u, Khazoh Mietakutaw huh!” tah ta.

ZAWHÂNA 10:7

Chavâta Zisu ta ama hnohta reih heih ta, “Hmeiseihta ta, hmeiseihta ta ei cha chho ei, kei he mietaku ochhi cha ei châ.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

EPHESI 5:27

Chatanachata Awnanopa cha a puapa rai a kiah leipa, a vo a dao leipa nata cha hawhpa hmo rai a phaoh leipa châ thei aw ta, pathaihpa nata seina hnei leipa Awnanopa rônahpa châ awpa ta, Krista ano tlai ta a tao aw.

RYHPACHANEINA 12:27

Nama raopa hlânazy cha Abeipa nama Khazohpa maisâh liata a sapa nata a thisaih nama hlâ aw. Namâ theihna thisaih cha Abeipa nama Khazohpa maisâh liata patlai aw chi ta, a sa deikua cha nama nie thei aw.

RYHPACHANEINA 15:21

Seina a hneipa, pheisypa tlyma, mochaopa tlyma, seina kheihawhpa rai a hneipa cha, Abeipa nama Khazohpa lâta atheihna ta nama hlâ awpa châ vei.

RYHPACHANEINA 17:1

“Seina a hneipa nata rei pasipasua thei awpa a hneipa viahchao tôhpa tlyma, mietaku tlyma hmâpa ta, Abeipa nama Khazohpa lâ namâ theih awpa châ vei. Cha cha Abeipa na Khazohpa châta hmo pasichhihpa a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!