THEIHTHAINA 1:17 - Mara Bible RV (BSI)

¹⁷ A mathlawzy chamieh pachhô aw ta, a pachhaih deikua pachhaih pathlah awpa châ vei. Hmohlâpa cha theihthaipa ta maisâh mei tho chô liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:17 ပူးပေါင်းရင်းမြစ်များ

ÂTHAONA 15:10

Cha zydua cha Abeipa lâta cheih ta, Abarâ ta â khophie liata su no ta patlaw chyu ta, a tlaw hiakha cha a tlaw hiakha lâ dady lymâ ta soh ta. Pavawzy deikua cha patlaw vei.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:2

Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 3:5

Chazy cha Arawna sawchapawzy ta maisâh liata raopa hlâna mei tho chô liata ama rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 5:8

Theihthaipa lâ cheih aw ta, theihthaipa ta moleina hlâna hlâ tua aw ta, a luh thaby liata a rao a chamieh aw. Chamieh pachhô awpa deikua châ vei.

THEIHTHAINA 6:14

“He he niepa hlâna taozie awpa ryhpa a châ: Arawna sawchapawzy ta maisâh hmia liata Abeipa hmiakô ta ama hlâ tyh aw.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

THEIHTHAINA 9:13

Raopa hlâna sa cha a tlo tlo ta a luh chhaota vaw pie ei ta, maisâh liata rao ta.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 28:8

Zâlâ ta mietakutaw hropa hlâ aw chi ta, my ta na hlâpa niepa hlâna nata â chakaihpa dopa hlâna hawhna khata, Abeipa châta ropahâhpa mei ta hmohlâpa cha na hlâ aw.

MATHAI 27:50

Zisu cha ao paro ngaitapa ta awh heih ta, a thlahpa pathlie ha ta.

ZAWHÂNA 19:30

Kresawhti thaopa a pachâh khai nahta, Zisu cha, “Â ki haw,” tah ta, a luh a bôh ta, a thlahpa pathlie ha ta.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.