THEIHTHAINA 1:13 - Mara Bible RV (BSI)

¹³ A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:13 ပူးပေါင်းရင်းမြစ်များ

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

2 THÂTIHZYRONA 4:6

A si nawpa ta rahô miahrawh tao ta, chho lâ miapangawh, maw lâ miapangawh patyu ta. Chazy cha raopa hlâna châta hmâpa hmobaohzy pasi nawpa châ ta, tipâh cha theihthaipazy a si nawpa châta a châ.

EZEKIA 40:38

Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:11

“Abeipa lâta mei ta hlâpa châta thinô nata kheihtizy na rao awpa a châ leipa vâta, Abeipa hnohta na hlâ awpa niepa hlânazy cha thinô pahlaopa ta tao awpa châ vei.

THEIHTHAINA 2:2

Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 3:5

Chazy cha Arawna sawchapawzy ta maisâh liata raopa hlâna mei tho chô liata ama rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 6:14

“He he niepa hlâna taozie awpa ryhpa a châ: Arawna sawchapawzy ta maisâh hmia liata Abeipa hmiakô ta ama hlâ tyh aw.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 15:4

Abeipa lâta hmohlâpa a cheihpa maihta, niepa hlâna hlâ aw ta, cha cha viahdie dipa kachu su hrawh su kha nata sathaw chhiehraôh ôh kha pahlaopa a châ aw.

MALUHREINA 28:11

“Nama thla thiehpa maihta, Abeipa lâta raopa hlâna, viahchao tôh dawpa pô no nata mietaku tôhpa pô kha nata mietakutaw chapawpa kô khapa seina hnei leipa pô sari nama hlâ tyh aw.

MALUHREINA 28:8

Zâlâ ta mietakutaw hropa hlâ aw chi ta, my ta na hlâpa niepa hlâna nata â chakaihpa dopa hlâna hawhna khata, Abeipa châta ropahâhpa mei ta hmohlâpa cha na hlâ aw.

RYHPACHANEINA 12:27

Nama raopa hlânazy cha Abeipa nama Khazohpa maisâh liata a sapa nata a thisaih nama hlâ aw. Namâ theihna thisaih cha Abeipa nama Khazohpa maisâh liata patlai aw chi ta, a sa deikua cha nama nie thei aw.