THEIHTHAINA 1:11 - Mara Bible RV (BSI)

¹¹ Maisâh kâ maw lâchhâh ta Abeipa hmiakô liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 1:11 ပူးပေါင်းရင်းမြစ်များ

PUASAINA 24:6

Mawsi ta thisaih â khophie la ta, biebuh liata patlai ta, ahropa cha maisâh liata thia ta.

PUASAINA 40:22

Ahmaohna poh o chhôh liata tlâhkhai patyuh ta. Cha cha achhyna byureih maw lâchhâh, khuna poh khôtho liata a ypa a châ.

EZEKIA 43:18

Chatawhcha chyhsa chata ei hnohta, “Chyhsa sawchapawpa y, Abeipa Zehôvâh ta hetana heta a tah: Hezy he maisâh hmânazie awpa ryhpazy cha a châ: Raopa hlânazy hlâ nawpa nata thisaih thia awpa ta maisâh paduapa a châ noh ta,

EZEKIA 8:5

Chatawhcha Abeipa ta, “Chyhsa sawchapawpa y, maw lâ na mo khaih teh,” na tah ta. Maw lâ cha ei mo khaih na ta, hiatliana khazoh nothlahpa kha, maisâh chhikao maw lâta angiana liata hmô na ta.

THEIHTHAINA 1:5

Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

THEIHTHAINA 14:13

Moleina hlâna nata raopa hlâna ama thie tyhna su, supathaihpa liata mietakutaw chapawpa cha a thie aw. Moleina hlâna cha theihthaipa tovyuh a châpa hawhta, thaileichâna hlâna chhao theihthaipa tovyuh a châ hra. Cha cha pathaih ngaitapa a châ.

THEIHTHAINA 4:29

Moleina hlâna sa luh chô liata a ku pahnieh aw ta, moleina hlâna cha raopa hlâna su liata a thie aw.

THEIHTHAINA 6:25

“Arawna nata a sawchapawzy chho la, ama hnohta hetana heta reih teh: He he moleina hlâna taozie awpa ryhpa a châ: Raopa hlâna thie tyhna liata, moleina hlâna chhao Abeipa hmiakô ta thie awpa a châ. Cha cha hmo pathaih ngaitapa a châ.

THEIHTHAINA 7:2

Raopa hlâna thie tyhna liata thaileichâna hlâna chhao thie awpa châ ta, maisâh kâ zydua liata a thisaih thia awpa a châ.

THEIHTHAINA 8:19

Mawsi ta mietaku tôhpa cha thie ta, maisâh kâ zydua liata a thisaih thia ta.