RYUREITUHPAZY 9:57 - Mara Bible RV (BSI)

⁵⁷ Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.

RYUREITUHPAZY 9:57 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 16:34

Ahabâ â bei daihti liana chata Bethel chyhsa Hiele ta Zerikô khihpi paduapathi ta. Abeipa ta Nunâ sawchapawpa Zawsua hmâpa ta a vaw rei hapa hawhta, khihpi paduana lôbô a bô nota a sawchapaw uhtheipa Abirâ thi ta, thokhy chhikaozy a tao nota a sawchapaw seihnaipa Seku chhao thi ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

HLAZY 7:17

Abeipa cha a siana vâta a chô liata alyna bie reih aw na ta, Abeipa Chônôchaipa moh reithaina hla ei sa aw.

HLAZY 94:23

Ama paraonazy viarithô aw ta, Ama moleinazy vâta âmo cha a pamua khai aw; A châ na, Abeipa eima Khazohpa ta a pamua khai ha aw ei.

BIESOZY 5:22

Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.

RYUREITUHPAZY 10:1

Abimele a thi tawhta, Izarei pachha awpa ta Iskâra chyhsa Dôdô sawchapawpa Puah saw­chapawpa Tôlâ vaw pua ta. Ano cha Epharai tlâh râh Sâmi khih liata a pahrâpa a châ.

RYUREITUHPAZY 9:20

Cha hawhta a châ vei khiahta deikua cha, Abimele tawhta mei vaw pua sala, Sekhe nata Bemilô khih nôpawzy kâsao khai mawh sy. Sekhe nata Bemilô khih nôpawzy tawhta mei vaw pua sala, Abimele kâsao mawh sy,” tah ta.

RYUREITUHPAZY 9:24

Cha hmo cha Zerubâlâ sawchapaw sysarizy chô liata nôchhie ngaitapa ta ama taopa kha âmo chô liata palie thlusapa ta, ama thisaih maoh cha âmo a thietuhpa ama unawhpa Abimele chô liata paphaosa ta, a unawhzy thie awpa ta a ku tha a patlôtuhpa Sekhe mo chô liata chhao paphaosapa ta a y thei nawpa ta taopa a châ.

RYUREITUHPAZY 9:45

Cha noh ta, Abimele ta khihpi cha noh y ta a dyuh ta. Khihpi cha la ta, a khihsawzy thie ta. Khihpi cha tlokhuh parao ta, alôh a hie thlu haw.

RYUREITUHPAZY 9:56

Abimele ta a unawh sysarizy thie ta, a paw chô liata a hmotaopa moleina kha, Khazohpa ta cha hawhna chata viari a thô hapa a châ.