RYUREITUHPAZY 9:5 - Mara Bible RV (BSI)

⁵ Ôpharâ khih liata a paw o lâ vawh ta, a unawh sysari, Zerubâlâ sawchapawzy cha lôpanô miakha chô liata thie khai ta. Zerubâlâ sawchapaw seihnai chaipa Zôthâ deikua cha, â nyu hapa vâta pahlôhpa a châ.

RYUREITUHPAZY 9:5 ပူးပေါင်းရင်းမြစ်များ

1 ABEIZY 1:12

Tahmâ a vy teh, nâ nata na sawchapawpa Sawlawmaw hrona a boh nawpa ta pachâna ei cha pie aw.

1 ABEIZY 1:21

Chataleipatala he hawhta a vaw châ pathlei aw na. Ei zibeipa abei he ano a pathlatuhpazy hnohta â mô tita cha, kei nata ei sawchapawpa Sawlawmaw he hmoparaotuhpazy hawhta pachâpa eima châ aw,” tah ta.

2 ABEIZY 10:17

Samâri a kei tlô nahta, Abeipa ta Elaizâh hnohta a reipa bie hawhta, Ahabâ chhôhkha Samâri liata laibâhpa a ypa zydua thie lymâ ta, a pamua khai ha ei.

2 ABEIZY 10:7

Châ a tlôpa nahta, abei pathla sysarizy cha patu ei ta, thie ei ta, ama luh cha hrâbyhzy liata khô ei ta, Zezari liata Zehu lâ paphao ei ta.

2 ABEIZY 11:3

Râh chô liata Athaliah kô charu â bei chhôh zydua a hnohta y ta, Zehôsebâ ta Zôasâ cha Abeipa o chhôh liata nyu ta.

2 THÂTIHZYRONA 21:4

Zehôrâ cha a paw beidyuchhai liata a tyuh ta, â beina â i nahta, a unawh zydua cha zaozi ta thie ta, Izarei pawhrâhpa hluhpi chhao thie ta.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 2:20

a hnohta, “Thyu la, hawti nata a nô kha a chhi la, Izarei râh lâ sie mah y, hawti hrona la a chhuahpazy kha ama thi haw,” tah ta.

RYUREITUHPAZY 6:11

Chatawhcha Abeipa vâlyuhchâpa a vy ta, Ôpharâ khih liata ôkâ tho ry liata a tyuh ta. Cha ôkâ tho cha Abieze chi Zôasâ eih a châ. A sawchapawpa Kidia cha Midia mo ta ama hmô lei nawpa ta, kre saohna khaoh liata arulâta sâh tly ta.

RYUREITUHPAZY 6:24

Kidia ta cha su liata Abeipa châta maisâh tao ta, Zehôvâh Salom tahpa ta a moh a bi. Cha maisâh cha Abieze mo râh Ôpharâ khih liata tanoh taihta â duah thlâh haw.

RYUREITUHPAZY 8:30

Kidia cha lapinô hluhpi a hneipa vâta, ano kalachhôh tawhta a puapa tlai sawchapaw sysari hnei ta.

RYUREITUHPAZY 9:18

Châhrasala tanoh ei paw chhôhkhazy cha thyuhnao ei chi ta, a sawchapaw sysari po lôpanô miakha chô liata thie ei chi ta, a seichanô sawchapawpa Abimele cha Sekhe nôpawzy chô liata bei ta nama tao. Nama unawhpa a châpa vâta cha hawhta nama taopa a châ.

RYUREITUHPAZY 9:2

“Sekhe khih nôpaw zydua nah theina liata reih u la, ‘Nama châta kheihawhpa ma a pha via aw, Zerubâlâ sawchapaw sysaripa zydua ta nama chô liata ryu ama reih awpa ma, mopakha ta nama chô liata ryu a reih awpa maw?’ tah tua muh vy. Kei he nama rupa nata nama sapa ei châpa chhao a thei muh vy,” tah ta.

RYUREITUHPAZY 9:6

Chatawhcha Sekhe khih nôpaw zydua nata Bemilô khih nôpaw zydua a pahmaoh ei ta, vawh ei ta, Abimele cha Sekhe lôbô kiapâh ta ôkâ tho ry liata bei ta tao ei ta.