RYUREITUHPAZY 9:27 - Mara Bible RV (BSI)

²⁷ Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.

RYUREITUHPAZY 9:27 ပူးပေါင်းရင်းမြစ်များ

HLAZY 109:17

Chhiesa pahâsa ta, Chhiesanazy a chô liata vaw tlô sala; Byhnâ awna liata â ly leipa vâta, Byhnâ cha ano tawhta â hlapi ta y mawh sy!

PUASAINA 32:19

Mawsi cha riehmo kiapâh a kei tlô nahta, viahchaotaw nothlahpa nata ama lâpazy hmô ta. Mawsi cha a hiehâh ngaita ta, a ku liata lôphiazy cha tlâh thaby liata thy ta, kei khai ha ta.

PUASAINA 32:6

A mylâ mydi kari ta thyu ei ta, raopa hlânazy hlâpa ta, aryhna hlânazy vaw cheih ei ta. Niedo awpa ta zawpi a tyuh ei ta, cha khai tawhta a palypauasa awpa ta thyu ei ta.

ZEREMIAH 25:30

“Chavâta ama chô liata he hrohsona biezy he phuah thlu aw chi ta, ama hnohta hetana heta na tah aw: “‘Abeipa cha su sâhpa tawhta a rôh aw ta, A pahrâna pathaihpa tawhta a ao a papua aw; A mietaku sadô thata a rôh thlu aw ta, Kre saohtuhpazy hawhta, Alei liata a pahrâpa zydua a awh thlu aw ei.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

THEIHTHAINA 24:11

Izarei chanô sawchapawpa chata Moh reipachhiepa ta chhie sa ta. Mawsi lâ a chhi ei ta, a nô moh cha Selômi châ ta, ano cha Dânâ chi Dibri sawchanô a châ.

RYUREITUHPAZY 16:23

Philistinâ beimachâzy cha ama khazoh Dakao lâ atheihna rônahpa hlâ awpa nata alyna tao awpa ta a pahmaohpakhy ei ta, “Eima khazoh ta eima chariahpa Sâsawna eima ku liata miah a pie haw,” tah ei ta.

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

RYUREITUHPAZY 9:26

Ebe sawchapawpa Kalâ cha a unawhzy chhaota vaw thyu ta, Sekhe lâ sie ei ta. Sekhe khih nôpawzy ta ano cha ngâ kaw ei ta.

RYUREITUHPAZY 9:4

Bâlâberi achhyna o liata a ypa tâkâ tlaw sysari Abimele pie ei ta. Abimele ta cha tâkâ cha hmâpa ta, chyhsa dyutlaileipa nata chhorupazy hrua ta, chazy chata ano cha pazi ei ta.

RYUREITUHPAZY 9:46

Sekhe o sâhpa liata a ypa chhituhpa zydua ta, cha kyh cha ama thei nahta, Elberi achhyna o thokhy chhôh lâ a ngia ei ta.

1 SAMUELA 17:43

Philistinâ chyhsa ta Dâvi hnohta, “I ma ei châ, chôchahrei ta ei nâ vyhnao chi?” tah ta. Philistinâ chyhsa ta a khazohzy moh reipa ta Dâvi chô liata chhiesa ta.