RYUREITUHPAZY 9:15 - Mara Bible RV (BSI)

¹⁵ Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.

RYUREITUHPAZY 9:15 ပူးပေါင်းရင်းမြစ်များ

2 ABEIZY 14:9

Izarei bei Zehôasâ ta Zudâh bei Amazia lâ chyhsa tuah ta, a hnohta, “Lebanaw ahloh buh ta Lebanaw sidy tho hnohta, ‘Na sawchanô kha ei saw­chapaw hnohta a lapinô awpa ta pie teh,’ tah ta. Lebanaw râhsa a vy ta, ahloh buh cha a tly pabai haw.

HLAZY 104:16

Abeipa thozy cha ti hmô pha kaw ei ta, Lebanaw sidy tho a lopazy chhao ti ama hmô pha kaw.

HLAZY 29:5

Abeipa ao ta sidy thozy thlie ta, Abeipa cha Lebanaw sidy thozy a thliepa a châ.

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ISAI 2:13

A khotlâhpa nata a pasâhsapa Lebanaw sidy thozy chô liata zy, Bâsanâ ôkâ tho zydua chô liata zy,

ISAI 30:2

Phiraoh thatlôna a chhaipa ta, Izi nohpahlipa liata a nyu awpa ta, Kei nâ saohiah tua leipa ei ta, Izi râh lâ zu awpa ta amâ thao.

ISAI 37:24

Châ chakaotuhpazy hmâpa ta Abeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A tlâh sâh chaipa tlô ha na ta, A râhmâhpa pha chaipa ei ngia haw.

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

EZEKIA 19:14

A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

HÔSIA 14:7

A nohdi liata a tyuh tyhpazy vaw kua aw ei ta, Sâh hawhta ama laiseih aw; Kre zôh hawhta pawh aw ei ta, Lebanaw kresawhti hawhta ama pathâh aw.

MALUHREINA 21:28

Hesbaw tawhta mei pua ta, Sihaw khihpi tawhta meipaleih a pua; Môabâ râh Ari khih kâ khai ta, Anaw su sâhpazy a palâ khai haw.

MATHAI 13:32

Âhrâ chi cha chi zydua liata chi chyh chaipa châ ta, châhrasala a vaw laiseih tita cha, chicheipa zydua hlâta lai chai ta, thokô a vaw châ tyh. Chatanachata vâ pavawzy a vy ei ta, a chiahzy liata bu ama tu tyh,” tah ta.

RYUREITUHPAZY 9:14

Chatawhcha tho zydua ta ahloh buh hnohta ‘A vy la, eima bei vaw châ teh’ tah ei ta.

RYUREITUHPAZY 9:16

“Chavâta tahmâ Abimele bei ta nama taopa he palôh hmeiseihpa nata sia ngaitapa ta a taopa châ u la, Zerubâlâ nata a chhôhkhazy chô liata a phapa ta taopa ta, a hmotaopa nata â phuhpa ta a chô liata nama taopa a châ khiahta cha, a pha.

RYUREITUHPAZY 9:20

Cha hawhta a châ vei khiahta deikua cha, Abimele tawhta mei vaw pua sala, Sekhe nata Bemilô khih nôpawzy kâsao khai mawh sy. Sekhe nata Bemilô khih nôpawzy tawhta mei vaw pua sala, Abimele kâsao mawh sy,” tah ta.

RYUREITUHPAZY 9:44

Abimele nata a hnohta a ypa py cha hmia lâ a râ ei ta, khihpi angiana thokhy chhikao liata a kei duah ei ta. Cha nota, py nopazy ta lyu liata a ypa zydua a râhnao ei ta, thie ei ta.

RYUREITUHPAZY 9:49

Cha hawhna chata ama zydua ta thopahrei pakhy chyu ei ta. Abimele cha pazi ei ta, thokhy cha thopahrei pacho thlu ei ta. Thokhy chhôh liata a ypazy cha ama chô lâ tawhta mei ta rao thlu ei ta. Sekhe o sâhpa liata chyhsa zydua thi khai ei ta, chapaw nata chanô sâh kha rachhôh ama châ.