RYUREITUHPAZY 8:6 - Mara Bible RV (BSI)

⁶ Châhrasala Sukô khih nôpawzy ta, “Khazia na pheisaihzy cha viahchhâ eima pie aw? Zebâ nata Zalmunâ cha na ku liata ama y ha ma?” tah ei ta.

RYUREITUHPAZY 8:6 ပူးပေါင်းရင်းမြစ်များ

ÂTHAONA 25:13

Hezy he ama moh nata ama pathlazy yzie hawhta Ismela sawchapawzy moh a châ: Ismela sawchapaw uhtheipa cha Nebaiô châ ta, a pazipazy cha Kedâ, Adabe, Mibasâ,

ÂTHAONA 37:25

Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

ÂTHAONA 37:28

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

1 ABEIZY 20:11

Izarei bei ta a chhy ta, “Benhadâ hnohta, ‘Chariah chhaichhi a tobi thlâh hapa cha, chariah chhaichhi a pahluh hapa hlâta â palai via beih vei,’ tahpa ta kei chho teh u,” tah ta.

2 ABEIZY 14:9

Izarei bei Zehôasâ ta Zudâh bei Amazia lâ chyhsa tuah ta, a hnohta, “Lebanaw ahloh buh ta Lebanaw sidy tho hnohta, ‘Na sawchanô kha ei saw­chapaw hnohta a lapinô awpa ta pie teh,’ tah ta. Lebanaw râhsa a vy ta, ahloh buh cha a tly pabai haw.

BIESOZY 18:23

Sipasapa cha â haw ta a haw tyh ta, Hneirôhpa deikua cha a chahrâh kawpa ta â chhy tyh.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

RYUREITUHPAZY 5:23

“Merô cha chhiesapa teh u,” Abeipa vâlyuhchâpa ta a tah; Abeipa bao awpa ta a vy leipa ei ta, Thatlôpazy adyuhna liata Abeipa bao awpa ta amâ vy leipa vâta, A khihsawzy cha thata chhiesapa teh u.

RYUREITUHPAZY 8:15

Kidia cha Sukô mo lâ khy ta, ama hnohta, “Zebâ nata Zalmunâ he moh teh u, âmo kyh liata na pasipasawh ei chi ta, ‘Khazia na chyhsa thachhâpazy cha viahchhâ eima pie aw? Zebâ nata Zalmunâ cha na ku liata ama y ha ma?’ nama tahpazy kha ama châ hih,” tah ta.

RYUREITUHPAZY 8:5

Kidia ta Sukô mo hnohta, “Ngiachhiepa ta nâ zipa chyhsazy he viahchhâ tlâzy pie teh u, ama tha a chhâ ngaita hih. Midia bei Zebâ nata Zalmunâ ei chadai ei,” tah ta.