RYUREITUHPAZY 8:33 - Mara Bible RV (BSI)

³³ Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

RYUREITUHPAZY 8:33 ပူးပေါင်းရင်းမြစ်များ

2 ABEIZY 12:2

Zehôasâ cha theihthaipa Zehôdâ ta a pachu chhôh zydua cha, a hro chhôh zydua ta Abeipa mohmô ta hmo dopa tao ta.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

ZEREMIAH 3:9

Sihryhpa ta a ypa a papeisa leipa vâta, lô nata tho zy liata a pheipa ta râh a papuapalei lymâ.

ZAWSUA 24:31

Zawsua hro chhôh nata Zawsua hlâta a hro parei viapa, Abeipa ta Izarei châta hmo a taopa zydua a pahnotuhpa machâzy hro chhôh liata cha, Izarei sawzy ta Abeipa ama chakao lymâ.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 2:12

Abeipa, ama pathlatuhpazy Khazohpa, Izi râh tawhta âmo a kaw chhi papuatuhpa cha a heihsaipa ta, ama chheipâh phopizy khazoh hropazy pazi ei ta, amâ chhy. Chavâta Abeipa hie ama pahâh haw.

RYUREITUHPAZY 2:17

Chatanachôta ama ryureituhpazy bie nathlie khoh leipa ei ta, khazoh hropazy liata a phei ei ta, khazoh hropazy a chhy ei ta, ama pathlatuhpazy ta Abeipa biepiepazy zyhpa ta a lâpi amâ chhih tyhpa cha thlai ta tleisai ei ta, tao khao veih ei.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 8:27

Chatawhcha Kidia ta ngôh ta ephaw tao ta, ano khihpi Ôpharâ liata soh ta. Cha nothlahpa liana cha Izarei zydua ta sihryh ei ta, cha hmo cha Kidia nata a chhôhkha châta khoheih lâta â lie haw.

RYUREITUHPAZY 8:32

Zôasâ sawchapawpa Kidia cha chhâ palopa ta thi ta, Abieze mo khih Ôpharâ liata a paw Zôasâ thlâ liata ama pabu.

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.

RYUREITUHPAZY 9:4

Bâlâberi achhyna o liata a ypa tâkâ tlaw sysari Abimele pie ei ta. Abimele ta cha tâkâ cha hmâpa ta, chyhsa dyutlaileipa nata chhorupazy hrua ta, chazy chata ano cha pazi ei ta.

RYUREITUHPAZY 9:46

Sekhe o sâhpa liata a ypa chhituhpa zydua ta, cha kyh cha ama thei nahta, Elberi achhyna o thokhy chhôh lâ a ngia ei ta.