RYUREITUHPAZY 8:27 - Mara Bible RV (BSI)

²⁷ Chatawhcha Kidia ta ngôh ta ephaw tao ta, ano khihpi Ôpharâ liata soh ta. Cha nothlahpa liana cha Izarei zydua ta sihryh ei ta, cha hmo cha Kidia nata a chhôhkha châta khoheih lâta â lie haw.

RYUREITUHPAZY 8:27 ပူးပေါင်းရင်းမြစ်များ

HLAZY 106:35

Râh hropazy nata a pahlao ei ta, Ama hmotaozie hâ amâ la.

HLAZY 106:39

Ama hmotaopazy vâta pathaih leipa châ ei ta, Ama hmotaopazy liata sihryhpa ama vaw châ haw.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

HÔSIA 2:2

“Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

RYUREITUHPAZY 17:5

Mikâ ta khazoh achhyna su hnei ta, ephaw nothlahpa nata chhôhkha khazoh nothlahpazy tao ta, a sawchapaw pakha cha ano châta theihthaipa châ awpa ta chahnao ta.

RYUREITUHPAZY 18:14

Laisâh râh mohparu awpa ta chyhsa papangawh a siepazy ta ama unawhzy hnohta, “He ozy liana heta ephaw, terâfi, nothlahpa khaipa nata nothlahpa leihpa zy a y tahpa nama pahno ma? Chavâta khâpa ma nama tao aw tahpa tahmâ pachâ teh u,” tah ei ta.

RYUREITUHPAZY 18:17

Râh moparuna lâ a khypa chyhsa papangawhzy khata o chhôh lâ a ngia ei ta, nothlahpa khaipa, ephaw, terâfi nata nothlahpa leihpa zy cha la ei ta. Cha nota theihthaipa cha adyuhna chhaichhi atobipa chyhsa 600 zy hry liata thokhy chhikao kiah liata a duah thlâh ha hra ta.

RYUREITUHPAZY 2:2

He râh liata pahrâpazy nata biehrai nama tao awpa châ leipa ta, ama maisâhzy nama parao awpa a châ,’ tah na ta. Châhrasala ei ao nathlie veih ei chi. Khâpa vâta ma he hawhta nama tao?

RYUREITUHPAZY 2:3

Chavâta tahmâ ei cha chho ei. Âmo cha nama hmiakô tawhta papua khao aw veih ei na. Nama kâzy liata ahloh hawhta cha chhô aw ei ta, ama khazohzy cha nama châta khoheih ama châ aw,” tah ta.

RYUREITUHPAZY 6:11

Chatawhcha Abeipa vâlyuhchâpa a vy ta, Ôpharâ khih liata ôkâ tho ry liata a tyuh ta. Cha ôkâ tho cha Abieze chi Zôasâ eih a châ. A sawchapawpa Kidia cha Midia mo ta ama hmô lei nawpa ta, kre saohna khaoh liata arulâta sâh tly ta.

RYUREITUHPAZY 6:24

Kidia ta cha su liata Abeipa châta maisâh tao ta, Zehôvâh Salom tahpa ta a moh a bi. Cha maisâh cha Abieze mo râh Ôpharâ khih liata tanoh taihta â duah thlâh haw.

RYUREITUHPAZY 8:26

Kidia hnohta ngôh rahy ama piepa zydua cha sekel 1,700 a châ. Chazy hleikhô ta, raopakyzy, rahy bangiehpazy, Midia beizy a kypa chysia saihlawpazy nata ama râraoseihpa raopakyzy chhao â hlao.

RYUREITUHPAZY 8:28

Midia cha Izarei sawzy hmiakô liata pahniepa ta y ta, ama luh pachhua thei khao veih ei. Chatanachata Kidia hro chhôh ta, râh cha kô sypalih chhôh thlalôhpa ta a y.