RYUREITUHPAZY 8:24 - Mara Bible RV (BSI)

²⁴ Kidia ta ama hnohta, “Hmo miakha deikua ei châ haw khoh ei. Hraona hmo nama lapa tawhta rahyzy kha nama zydua ta na vaw pie teh u,” tah ta. Chariah ama hraopazy cha Ismela mo ama châpa vâta, ngôh rahy a hneipazy ama châ.

RYUREITUHPAZY 8:24 ပူးပေါင်းရင်းမြစ်များ

ÂTHAONA 24:22

Râraoseihpazy ti ama doh khai nahta, chakaotuhpa ta laihsa châta ngôh kâto sekel khophie a hripa nata a ku liata â ky awpa ngôh lâkyu miano sekel miahrawh a hripa pachhi ta,

ÂTHAONA 24:53

Chakaotuhpa ta tâkâ atobinazy, ngôh atobinazy nata chysiazy pachhi ta, Rebekâ cha pie ta. A rilâhpa nata a nô chhao hmo sôhpazy pie hra ta.

ÂTHAONA 25:12

Hezy he Sârâ seichanô Izi zuah Hâkarâ ta Abarahâ châta a sapa Abarahâ sawchapawpa Ismela pathlazy ama châ.

ÂTHAONA 25:13

Hezy he ama moh nata ama pathlazy yzie hawhta Ismela sawchapawzy moh a châ: Ismela sawchapaw uhtheipa cha Nebaiô châ ta, a pazipazy cha Kedâ, Adabe, Mibasâ,

ÂTHAONA 35:4

Chatanachata râh hropa khazoh ama ku liata a ypa zydua nata ama nah liata rahy amâ bapa zydua cha Zakaw pie ei ta, Zakaw ta Sekhe kiapâh ôkâ tho ry liata pabu ta.

ÂTHAONA 37:25

Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

ÂTHAONA 37:28

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

1 ABEIZY 20:11

Izarei bei ta a chhy ta, “Benhadâ hnohta, ‘Chariah chhaichhi a tobi thlâh hapa cha, chariah chhaichhi a pahluh hapa hlâta â palai via beih vei,’ tahpa ta kei chho teh u,” tah ta.

PUASAINA 12:35

Mawsi bie hawhta taopa ta, Izarei sawzy ta Izi mo cha tâkâ atobina nata ngôh atobinazy nata chysiazy hiah ei ta.

PUASAINA 32:3

Chatanachata zawpi zydua ta ama nakao liata amâ bapa ngôh rahyzy cha pahluh ei ta, Arawna lâ vaw cheih ei ta.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

RYUREITUHPAZY 8:25

Âmo ta, “A ly kawpa ta eima cha pie aw,” tah ei ta. Poh phaw ei ta, chyhsa to ta rahy ama hraopazy cha vaw soh ei ta.

1 SAMUELA 25:11

Ei viahchhâ, ei ti nata ei mietaku hmi ngyutuhpazy châta sa ei thiepazy cha, khataih tawhta a vypa chyhsa ma ama châ tahpa chhao ei pahno leipazy hnohta zua ei pie aw ma?” tah ta.