20 A sawchapaw uhtheipa Zethe hnohta, “Thyu la, he chyhsazy he thie teh,” tah ta. Châhrasala satliapa dei a châ chypa vâta chi ta, a zaozi phia ngâh leipa ta.
Beizy cha Zawsua kô ama vaw tlôkhei nahta, Zawsua ta Izarei chapaw zydua awpakhy ta, a hnohta a sie hrapa pheisaih hyutuhpazy hnohta, “A vaw hnia u la, he beizy rao he vaw tly teh u,” tah ta. A vaw hnia ei ta, beizy rao cha tly ei ta.
Kidia ta, “Âmo kha ei unawh, ei nô sawchapawzy ama châ khawh. Abeipa hrona reipa ta ei reih, âmo kha vaw pahlôh ha u la cha, nâmo chhao ei cha thie lei awpa ei tlai,” tah ta.
Zebâ nata Zalmunâ ta, “Nâma tlai kha thyu la, miah vaw thie teh, chapawsaw thatlôpa na châ khawh,” tah ei ta. Kidia cha thyu ta, Zebâ nata Zalmunâ cha thie ta, ama râraoseihpazy rao liata tobina raopakyzy la ta.
Samuela ta, “Na zaozi ta chanôzy saw leipa ta a taopa hawhta, Na nô chhao chanôzy hry liata saw leipa a châ aw,” tah ta. Chatanachata Samuela ta Akâ cha, a pôhpa â pachhaih khaina taihta Abeipa hmiakô ta Kilkal liata chhawh ta a thie haw.