RYUREITUHPAZY 8:18 - Mara Bible RV (BSI)

¹⁸ Chatawhcha Zebâ nata Zalmunâ hnohta, “Tabaw liata chyhsa nama thiepazy kha kheihawhpa chyhsazy ma ama châ?” tah ta. Âmo ta, “Nâma hawhpa he ama châ, abei saw lyuna ama hnei chyu,” tah ei ta.

RYUREITUHPAZY 8:18 ပူးပေါင်းရင်းမြစ်များ

2 ABEIZY 1:7

Abei ta ama hnohta, “Nâmo châ vaw tyhpa nata cha biezy châ chhotuhpa cha kheihawhpa chyhsa ma a châ?” tah ta.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 89:12

Maw paysa chi ta, Chho na paysa; Tabaw nata Hâmaw ta, A ly ngaitapa ta na moh ama reithai.

EZEKIA 23:15

Cha nothlahpazy cha ama chai liata chaisaih a saihpa ta, khutho a ngia ngaitapa a khu ei ta, ama zydua ta beimachâ hmia phaoh ei ta, Kaldia râh liata a pahrâpa Babylaw mo ama lyu.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

RYUREITUHPAZY 4:12

Abinôâ sawchapawpa Bâraka Tabaw Tlâh lâ a khy haw tahpa Siserâ chho ei ta.

RYUREITUHPAZY 4:6

Debawrâ ta Kedesâ Nâthalai râh liata Abinôâ sawchapawpa Bâraka kei paawsa ta, a hnohta, “Zehôvâh, Izarei Khazohpa ta hetana heta a tah, ‘Sie la, Tabaw tlâh lâ pangai la, Nâthalai nata Zebulawna chizy tawhta pheisaih 10,000 a chhi teh.

RYUREITUHPAZY 8:17

Penia o sâhpa pacho ta, khihpi liata chyhsazy thie ta.

RYUREITUHPAZY 8:19

Kidia ta, “Âmo kha ei unawh, ei nô sawchapawzy ama châ khawh. Abeipa hrona reipa ta ei reih, âmo kha vaw pahlôh ha u la cha, nâmo chhao ei cha thie lei awpa ei tlai,” tah ta.

RYUREITUHPAZY 8:5

Kidia ta Sukô mo hnohta, “Ngiachhiepa ta nâ zipa chyhsazy he viahchhâ tlâzy pie teh u, ama tha a chhâ ngaita hih. Midia bei Zebâ nata Zalmunâ ei chadai ei,” tah ta.