RYUREITUHPAZY 8:10 - Mara Bible RV (BSI)

¹⁰ Zebâ nata Zalmunâ cha, nochhi chyhsa pheisaih a thi bâhpa 15,000 chhaota Kakô liata y ei ta. Zaozi a chabapa pheisaih sai ta 120,000 ama thi hapa a châ.

RYUREITUHPAZY 8:10 ပူးပေါင်းရင်းမြစ်များ

2 ABEIZY 3:26

Môabâ bei ta adyuhna liata ano a nawh viapa hawhta a hmô nahta, zaozi pheisaih 700 a chhi ta, Edômâ bei dady liata kei tôh a chhuah ta, châhrasala tôh thei leipa ei ta.

2 THÂTIHZYRONA 13:17

Abizah nata a pheisaihzy ta Izarei maw lâ pheisaihzy cha thata thie ei ta, Izarei pheisaih atlyhpatluapa 500,000 thiepa ama châ.

2 THÂTIHZYRONA 28:6

Remâliah sawchapawpa Pekâ ta, noh kha ta Zudâh chyhsa 120,000 thie ta. Ama zydua ta pasaipha châ ei ta, Abeipa, ama pathlatuhpazy Khazohpa amâ heihsaipa vâta pahniepa ama châ.

2 THÂTIHZYRONA 28:8

Izarei sawzy ta ama chiheih Zudâh mo 200,000 patu ei ta, chanôzy, ama sawchapaw nata sawchanôzy chhaota sei ta a chhi ei ta. Hraona sôh chhao thata la ei ta, Samâri lâ ama siekhei haw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 9:4

Midia mo pahnie noh hawhna khata, A raopaky phaohri thlie pachhô chi ta, A ngiatlâh liata sômasi chhao thlie pachhô chi ta, A tlybaituhpa chôchahrei chhao na thlie pachhô khai haw.

RYUREITUHPAZY 20:15

Cha noh ta, Benzami sawzy ta ama khihpizy tawhta a puapa zaozi a chabapa pheisaih maluh ama rei theipa cha, Kibia mo ta pheisaih 700 amâ tlyhpazy rei pâ leipa ta, ama zydua ta 26,000 ama châ.

RYUREITUHPAZY 20:17

Izarei mo cha, Benzami mo rei leipa ta, zaozi a chabapa sai ta 400,000 châ ei ta, ama zydua ta pasaiphazy ama châ.

RYUREITUHPAZY 20:2

Izarei chi zydua tawhta chi to chhituhpazy cha, Khazohpa phopi pakhypi liata ama su chyu pahrâpa ta a duah ei ta. Zaozi a chabapa alei pheisaih 400,000 ama y.

RYUREITUHPAZY 20:25

A noh nona liata, Benzami chhao ta Izarei sawzy a dyuh awpa ta Kibia tawhta pua heih ta, Izarei saw chyhsa 18,000 thie ei ta, alei liata ama papao haw. Cha zydua cha zaozi a chabapa pheisaih sai ama châ.

RYUREITUHPAZY 20:35

Abeipa ta Benzami cha Izarei hmiakô liata pahnie ha ta, cha noh liata, Izarei sawzy ta Benzami pheisaih 25,100 ama pahleipadia haw. Ama zydua ta zaozi a chabapa sai ama châ.

RYUREITUHPAZY 20:46

Chatanachata cha noh ta Benzami pheisaih a thipa zydua cha, zaozi a chabapa sai ta 25,000 châ ei ta, ama zydua ta pasaiphazy ama châ.

RYUREITUHPAZY 6:5

Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.

RYUREITUHPAZY 7:13

Kidia a za tlô daihti cha, chyhsa pakha ta a viasa hnohta a mâ a vaw chho hai no châ ta. Cha chyhsa chata, “Pachâ tua, mâ sa na ta, bâli viahchhâ tlâ tlai cha Midia mo riehmo lâ he a zâ hluah lymâ ta, poh o za su ta, â theih lâta papao ta, poh o cha alei liata â chahyh thlâh haw,” tah ta.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

RYUREITUHPAZY 8:11

Kidia cha Nôbâ nata Zôbehâ nochhi lâta poh o liata a pahrâpazy lâpi lâta khy ta, pheisaihzy cha a kaw dyuh ta. Pheisaihzy cha thlalôhpa ta vaw y thlâh ha ei ta.