RYUREITUHPAZY 7:4 - Mara Bible RV (BSI)

⁴ Abeipa ta Kidia hnohta, “Chyhsa ama hluh tu thlâh chy. Zawpizy kha chavah lâ zukhei la, cha liata kei ta ei cha pasiapa aw. ‘He chyhsa he na hnohta a sie aw,’ ei tahpa deita na hnohta sie aw ta, ‘He chyhsa he cha na hnohta sie aw vei,’ ei tahpa cha sie aw vei,” tah ta.

RYUREITUHPAZY 7:4 ပူးပေါင်းရင်းမြစ်များ

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

ZAWBÂ 23:10

Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

HLAZY 66:10

Hy Khazohpa, miah pasia chi ta, Tâkâ pasiapa hawhta miah na pasia.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

RYUREITUHPAZY 7:5

Chatanachata zawpizy cha chavah lâ zukhei ta. Abeipa ta Kiadia hnohta, “I hawhta a paleih ta ti a paliepa maih panano lymâ la, cha hawhna chata a pakhu paneih ta ti a dohpa maih panano hra teh” tah ta.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.