RYUREITUHPAZY 7:11 - Mara Bible RV (BSI)

¹¹ Ama biereipa thei aw chi ta, cha khai tawhta cha na ku thapatlôpa ta y aw ta, riehmo cha na za chho ngâh aw,” tah ta. Chatanachata Kidia cha a chakaotuhpa Purâ a chhi ta, pheisaihzy riehmo tytua chaipa lâ zu ta.

RYUREITUHPAZY 7:11 ပူးပေါင်းရင်းမြစ်များ

ÂTHAONA 24:14

Hetana heta vaw châ mawh sy. Laihsa ahy hnohta rai, ‘Ngiachhiepa ta na tibeih kha za pahnai la, ti na padosa teh,’ tah aw na ta, ‘Doh teh, na râraoseihpazy chhao, do awpa ei pie hra aw,’ a tahtuhpa, cha tlai cha, châ chakaotuhpa Aisika châta na raopa châ mawh sy. Cha liana chata ei zibeipa chô liata ngiachhiena na palâsa haw tahpa ei pahno aw,” tah ta.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

NEHEMIAH 6:9

Ama zydua ta miah pachhiparypa ta miah pachisa a chhuah ei ta, “Ama bâh pathliah aw ei ta, raihria patlô thei aw veih ei,” tahpa ta ama pachâ. Chavâta Hy Khazohpa, tahmâ ei ku tha na patlô mah y.

PUASAINA 13:18

Khazohpa ta Izarei sawzy cha râhchawhpa siepahliepa ta Tilaipi Saihpa lâta tlao â chhi ei. Chatanachata Izarei sawzy cha, chariah chhaichhi a tobipa ta, Izi râh tawhta ama pua haw.

EPHESI 3:16

A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

PHILIPI 4:13

Tha nâ patlôtuhpa Krista liata ato ei tao thei.

RYUREITUHPAZY 7:10

Za chho awpa na chi khiahta deikua cha, châ chakaotuhpa Purâ kha a chhi la riehmo lâ cha zu mah y.

1 SAMUELA 14:12

Pheisaih su liata chyhsazy ta Zawnathâ nata a chariah chhaichhi a chabatuhpa cha awsao ei ta, ama hnohta, “Keimo lâ a khy teh u, hmo eima cha pahmô aw,” tah ei ta. Zawnathâ ta a chariah chhaichhi a chabatuhpa hnohta, “Na kaw zi teh, Abeipa ta Izarei ku liata a pie ha ei,” tah ta.

1 SAMUELA 23:16

Sawla sawchapawpa Zawnathâ cha thyu ta, Hôresâ liata Dâvi yna lâ sie ta, Zawnathâ ta Dâvi cha Khazohpa liata a ku thapatlô ta.

1 SAMUELA 26:6

Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.