RYUREITUHPAZY 6:5 - Mara Bible RV (BSI)

⁵ Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.

RYUREITUHPAZY 6:5 ပူးပေါင်းရင်းမြစ်များ

HLAZY HLA 1:5

Hy Zerusale zuahzy saih u, Vyh kaw hraw sah la, Kho ei chhih kaw; Kedâ poh ozy lyu na ta, Sawlawmaw pohraipazy ei lyu.

ISAI 13:20

Khati ta hmahta, Cha liata chyhsa pahrâ khao leipa aw ei ta; Chhâ zydua ta, A chhôh liata chyhsa y khao aw veih ei. Arabia chyhsazy ta, Cha liata ama poh o parai khao leipa aw ei ta; Mietaku vaituhpa ta, Cha liata ama mietaku zawzy pabyusa khao aw veih ei.

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

ZEREMIAH 46:23

A chariahpazy cha, Khawsu hlâta hluh via ei ta, Rei tiah awpa châ veih ei; Chavâta chahryh khai thei rimâ awpa a châ leipa, Izi râhmâhpa chhao ama thlu khai aw.

ZEREMIAH 49:29

Ama poh ozy nata ama sahrohzy lapa châ aw ta, Ama pohraipazy nata ama hmobaoh zydua lapa a châ aw; Ama râraoseihpazy siekheipa châ aw ta, Chyhsazy ta, ‘Su to liata chichhihpa a y,’ Tahpa ta ama awsao aw.

ZEREMIAH 49:32

“Ama râraoseihpazy cha, Hraona sôh châ aw ei ta; Ama viahchao zawzy chhao, Hraona sôh ama châ aw. Ama baih hmi a ngyupa phopi cha, Thlih pathlina su to lâta papai aw ei na ta, Kao to tawhta ama chô liata Chhiena ei vaw patlôsa aw,” Abeipa ta a tah.

ZEREMIAH 51:14

Pheisaihzy Abeipa ta a hrona reipa ta, Hetana heta bie â taih haw: Khawsu pôpi hawhta a hluhpa Chyhsapa ta cha pabie aw na ta, Pahniena hladyuh ama cha pathluah thlu aw.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.

RYUREITUHPAZY 8:10

Zebâ nata Zalmunâ cha, nochhi chyhsa pheisaih a thi bâhpa 15,000 chhaota Kakô liata y ei ta. Zaozi a chabapa pheisaih sai ta 120,000 ama thi hapa a châ.

RYUREITUHPAZY 8:21

Zebâ nata Zalmunâ ta, “Nâma tlai kha thyu la, miah vaw thie teh, chapawsaw thatlôpa na châ khawh,” tah ei ta. Kidia cha thyu ta, Zebâ nata Zalmunâ cha thie ta, ama râraoseihpazy rao liata tobina raopakyzy la ta.

1 SAMUELA 30:17

Dâvi ta zâlâ noh hawh khaihpa tawhta a mylâ zâlâ taihta âmo cha thie ta, râraoseihpa kiah ta a râ hapa satlia za palih tah leipa ta cha, chyhsa pakha hmahta a hrohpa y veih ei.