RYUREITUHPAZY 6:37 - Mara Bible RV (BSI)

³⁷ sawhri liata mietaku hmi soh aw na ta, mietaku hmi lia dei ta diati y sala, alei zydua deikua a hi khai khiahta cha, na reipa hawhta ei ku ta Izarei na pachha aw tahpa ei pahno aw,” tah ta.

RYUREITUHPAZY 6:37 ပူးပေါင်းရင်းမြစ်များ

ÂTHAONA 24:14

Hetana heta vaw châ mawh sy. Laihsa ahy hnohta rai, ‘Ngiachhiepa ta na tibeih kha za pahnai la, ti na padosa teh,’ tah aw na ta, ‘Doh teh, na râraoseihpazy chhao, do awpa ei pie hra aw,’ a tahtuhpa, cha tlai cha, châ chakaotuhpa Aisika châta na raopa châ mawh sy. Cha liana chata ei zibeipa chô liata ngiachhiena na palâsa haw tahpa ei pahno aw,” tah ta.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

MATHAI 15:24

Zisu ta, “Izarei phopi mietaku aleipazy hnoh dei ta tuapa ei châ,” tah ta.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

RYUREITUHPAZY 6:17

Kidia ta a hnohta, “Tahmâ he na modypa ei châ khiahta cha, bie nâ chhotuhpa he nâma tlai na châ hmeiseih tahpa ngiana na pie teh.

RYUREITUHPAZY 6:36

Kidia ta Khazohpa hnohta, “Na reipa hawhta, ei ku ta Izarei na pachha awpa khiahta cha,

RYUREITUHPAZY 6:38

Cha hawhna tlai chata vaw châ ta. A mylâ mydi kari ta thyu ta, mietaku hmi cha saoh ta, biebuh bie khaina taihta mietaku hmi liata diati cha vaw y ta.