RYUREITUHPAZY 6:24 - Mara Bible RV (BSI)

²⁴ Kidia ta cha su liata Abeipa châta maisâh tao ta, Zehôvâh Salom tahpa ta a moh a bi. Cha maisâh cha Abieze mo râh Ôpharâ khih liata tanoh taihta â duah thlâh haw.

RYUREITUHPAZY 6:24 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 12:8

Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

ÂTHAONA 33:20

Cha liata maisâh padua ta, a moh El-Elôhe-Izarei a bi.

2 SAMUELA 24:25

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Chatanachata râh châta thlahchhâna cha Abeipa chyh-ei ta, potlana cha Izarei râh tawhta pai ha ta.

1 ABEIZY 18:32

Cha alôzy cha hmâpa ta, Abeipa moh ta maisâh tao ta. Maisâh chheipâh liata sâh kachu su thôh su kha a tlôh awpa khaohtlô chao ta.

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

PUASAINA 17:15

Chatawhcha Mawsi ta maisâh tao ta, a moh Zehôvâh Nisi a bi.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

MALUHREINA 26:30

Kilia pathlazy châ, Izah tawhta Izah phozy, Hele tawhta Hele phozy;

ZAWSUA 22:10

Kâna râh Zawdâh kao ama tlô nahta, Rubena pathlazy, Kâdâ pathlazy nata Manase chi khophiezy cha Zawdâh chavah kiah liata maisâh lai ngaitapa tao ei ta.

RYUREITUHPAZY 21:4

A mylâ ta Izarei phopi cha mydi ta thyu ei ta, cha liata maisâh tao ei ta, raopa hlânazy nata aryhna hlânazy hlâ ei ta.

RYUREITUHPAZY 6:23

Abeipa ta a hnohta, “Na hnohta thlalôhna y mawh sy. Chi khah y, thi aw va chi,” tah ta.

RYUREITUHPAZY 8:27

Chatawhcha Kidia ta ngôh ta ephaw tao ta, ano khihpi Ôpharâ liata soh ta. Cha nothlahpa liana cha Izarei zydua ta sihryh ei ta, cha hmo cha Kidia nata a chhôhkha châta khoheih lâta â lie haw.

RYUREITUHPAZY 8:32

Zôasâ sawchapawpa Kidia cha chhâ palopa ta thi ta, Abieze mo khih Ôpharâ liata a paw Zôasâ thlâ liata ama pabu.

1 SAMUELA 14:35

Sawla ta Abeipa châta maisâh tao ta, cha cha Abeipa châta maisâh a tao tua chaipa a châ.

1 SAMUELA 7:17

Cha khihpizy tawhna chata a o yna Râmâ khihpi lâ a lie heih tyh ta, Râmâ liana chhao chata Izarei chô liata ryureituhpa ta y ta. Abeipa maisâh chhao Râmâ khihpi liata a padua.